Lugansk

Vikipedii-späi
Lugansk
Луганськ (ukr.)
Луганск (ven.)
 Lidnanznam
 Flag
Valdkund Ukrain
Eläjiden lugu (2018) 406,729 ristitud
Pind 286,2 km²
Lugansk Луганськ (ukr.) Луганск (ven.)
Pämez' Sergei Kravčenko
(sulaku 2006—) /
Manolis Pilavov
(eloku 2014—)
Telefonkod +380−642
Aigvö UTC+3


Lidnan nell' rajonad da alištunuded Radale eländpunktad.

Lugansk (ukr.: Луганськ, ven.: Луганск) om Ukrainan lidn valdkundan longibokas. Se om Luganskan agjan administrativine keskuz.

Istorii[vajehta | vajehtada tekst]

Eländpunktan aluz om pandud vl 1795 Jekaterina II-imperatornaižen käskön mödhe kuti Luganskan raudanvalamižtegim da žilo senno, ezmäine mugoine Venäman imperijan suves. Se sai lidnan oiktusid vl 1882. Vll 1935−1958 i 1970−1990 lidnan nimi oli Vorošilovgrad.

Vlpäi 2014 Luganskan Rahvahaline Tazovaldkund-organizacii de-fakto kontroliruib lidnad, miše ukrainalaine ohjastuz ei tundišta. Luganskan pämehed oma Sergei Kravčenko (oficialižen Ukrainan polespäi) i Manolis Pilavov (LRV:an polespäi)

Edel sodad Ukrainan päivnouzmas (vn 2014 sulakuspäi) Lugansk šingotihe mašiništonsauvomižen tegimil (kaivuzladimed, avtopalad), raudan metallurgijal (teraz, torved, torvarmatur), sauvondmaterialiden pästandal, akkumulätoriden i zelliden tegimil, maidtegimel, kengiden i omblendan edheotandoil.

Geografijan andmused[vajehta | vajehtada tekst]

Lidn sijadase Lugan'-jogen randoil (ukr. i ven.: Лугань, 198 km pitte, Donan oigedpol'ne bassein), om nimitadud sen mödhe. Lugansk seižub 78 m ü.m.t. keskmäižel korktusel. Matkad Kijevhasai om 650 km lodeheze-päivlaskmha orhal, 860 km avtol vai 900 km raudtedme.

Eläjad[vajehta | vajehtada tekst]

Vn 2014 augotišes Luganskan eläjiden lugu oli 424 113 ristitud (11. sija valdkundas), sen-žo voden tal'vkus 301 tuhad ristituid (äi pagenuzid sodategendoišpäi), pind — 269,61 km². Kaikiš suremb ristitišt oli 552 300 eläjad vl 1987.

Irdkosketused[vajehta | vajehtada tekst]