Master i Margarita

Vikipedii-späi
Počtmark Bulgakovan voz'sadale

«Master i Margarita» (ven.: «Мастер и Маргарита») om Mihail Bulgakov-kirjutajan roman. Originalan kel' om venäkel'.

Bulgakov oli kirjutanu romanad ičeze surmhasai, vozil 1928−1940, i nece säduz om jättud kesketi. Sai nügüdläšt nimitust vodele 1937. Kirjutajan Jelena-leskiak vedi ühthe da redaktirui romanan käzikirjutusid Bulgakovan surman jäl'ghe hänen zavetoičendan mödhe läz kaks'kümne vot.

Roman om pästtud ezmäižen kerdan vl 1966 NSTÜ:he (literaturine «Moskva»-aiglehtez, lühüd variant) i vl 1967 Parižha (kirj venän kelel, täuz' variant). Samizdat kändi cenzuran naprindoid tühjikš, i ezmäine nevondkundaline pästand läksi kirjaks cenzurata (no ezikirjutusenke) vl 1973. Roman om fil'mdud da lavastadud severz'-se kerdoid, TV-serial om pästtud Venämaha.

Säduses om kaks' süžetan jonod, ned ühtištadas kirjan lopjaguses. Tegend mäneb nevondkundaližes Moskvas. Pähenged oma Mastar, Margarita, starinoičii, Voland sebranikoidenke, Pontii Pilat i Iešua, Massolit:an Mihail Berlioz- i Ivan Bezdomnii-literatorad.

Irdkosketused[vajehta | vajehtada tekst]


Nece kirjutuz om vaiše ezitegez. Tö voit abutada meile, ku kohendat sidä da ližadat sihe.