Mramorine pert'kulu (Piter)

Mramorine pert'kulu vn 2012 kezakus

Mramorine pert'kulu (ven.: Мраморный дворец) om Venäman pert'kulu klassicizman stiliš Piterin istorižes keskuses. Vspäi 1992 — Venälaižen muzejan filial.

Sauvuz sijadase Ezmäižel Admiralteiskii-sarel, Millionnai-irdan zavodindas.

Istorii

Vll 1714−1737 Počtantanaz da sen valdmad oliba olmas, tanaz paloi lophu. Pert'kulu om saudud sen pustolänin sijas Jekaterina II-imperatornaižen käskön mödhe vozil 1768−1785. Arhitektor — Antonio Rinal'di, letihe pert'kulud hänen i Petr Jegorov-arhitektoran projektan mödhe. Imperatornaine tahtoi lahjoita pert'kulud Grigorii Orlov-favoritale, hän abuti Jekaterinale sada valdištint. No graf koli vl 1783, edel sauvondan vaumičendad. Sil-žo vodel imperatornaine osti sauvust valdkundale Orlovan jäl'gnikoil.

Lidnan ezmäine sauvuz krepindanke londuseližes kivespäi (ozrikkivi, mramor). Znamasižed südäimed oma päpordhad i Mramorine (Orlovan) zal. Fligel' sijadase pert'kulunno.

Kaikenaigaine «Verazmaižed pirdajad Venämas, 18. — 19. voz'sadan ezmäine pol'»-ekspozicii sijadase Mramorižen pert'kulun zaloiš vspäi 1992. Venäman i verhiden maiden nügüd'aigaižiden mastariden pordaigaližed ozutelendad tegesoiš regulärižikš. Pert'kulu kävutase erazvuiččiden kongressoiden täht mugažo.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.