Ping

Ping
Linmaping (Sonchus oleraceus) om heimon tipine erik
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Magnoliopsida) Kund: Astränikoižed (Asterales) Sugukund: Puzuänikoižed (Asteraceae) Heim: Ping
Latinankel'ne nimi
Sónchus L., 1753
Sistematik Vikierikoiš Kuvad Vikiaitas ITIS 38420 NCBI 50190

Ping (latin.: Sonchus) om Puzuänikoižed-sugukundan heinäsižiden kazmusiden heim. Üks'voččed, kaks'voččed vai äivoččed heinäd.

Leviganduz

Mülütadas heimho läz 130 erikod, kazdas Afroevrazijadme tobjimalaz. Erased erikod oma invazivižed rujoheinäd toižil kontinentil.

Navedib rohlad i ümbriratud maižandsel mahust. Kazvab saduiš, murdoiden sijiš, kezandmail.

Ümbrikirjutand

Om erazvuiččid erikoid, ozutesikš, linmaping (Sonchus oleraceus) i pöudping (Sonchus arvensis) oma travijad rujoheinäd.

Jurišt om tihed, se om keskutadud mahusen üläšoidus. Seikhen alah pudub erasti. Änikod oma pakuižed, erasil erikoil sauptas hämäran aigan. Semned oma harjakahad, idädas kerdalaz tünüden pordota. Äikerdoičese semnil i juril. Üks' kazmuz andab 6,5 tuhazesai semnid, tullei kandab niid kebnas.

Kävutand

Kazmusen lehtezpala om södab, no paremba kävutada norid lehesid. Voib otta sötkeks kodijänišile.

Valitud erikod

• Sonchus arvensis — Pöudping
• Sonchus asper — Kauged ping
• Sonchus fruticosus — Ogibal ping (Madeir-sarišton endemik)
• Sonchus kirkii — Puha / Rauriki (Uden Zelandijan endemik)
• Sonchus novae-zelandiae — Udenzelandine ping
• Sonchus oleraceus — Linmaping, heimon tipine erik

Kacu mugažo

• Bod'ug