Plakačud

Plakačud
Pagač (Frangula alnus) om plakačun tipine erik
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Dicotyledones) Kund: Rozänikoižed (Rosales) Sugukund: Plakačuižed (Rhamnaceae) Heim: Plakačud
Latinankel'ne nimi
Frángula Mill., 1754
Sistematik Vikierikoiš Kuvad Vikiaitas ITIS 500850 NCBI 106676

Plakačud (latin.: Frangula) om puidenvuiččiden penzhiden i peniden puiden heim. Mülütadas Plakačuižed-sugukundha. Kaik om 35 erikod heimos.

Leviganduz

Heimon erikod oma levitadud molembiden mapoliškoiden venos i subtropižes vönes. Erikoiden luja erazvuiččend kazvab Pohjoižamerikas.

Ümbrikirjutand

Heimon latinine Frangula libub latin.: frangere-sanaspäi «mureta», kazmusen räbedan (muredan) puižen südäimen tagut.

Lehtesed čereduišoiš. Lehtesen pind ei ole nahkanvuitte, röun ünäine vai henpiine, om 5..15 parad sonid.

Änikod oma henod aktinomorfižed kaks'suguižed, kazdas pol'kändasikš vai kir'bikš kaimolurbišpäi. Viž levedad äniklehtest oleskeldas pakuižvauktan, pakuižetaban vai vihandan polhe mujul. Rehedad plodud oma šurunvuiččed lumarjad kuz'..ühesa millimetrad diametral, küpsad oma ruskedsiniž-mustad kehkrad lapakod.

Kävutand

Ottas kävutamižhe dekorativižeks kazmuseks, zell'kazmuseks. Sadas mujutimid (pakuine, koričma).

Valitud erikod

• Frangula alnus Mill. — Pagač, heimon tipine erik (Evrazii)
• Frangula azorica Grubov — Azorine plakač
• Frangula californica (Eschsch.) A.Gray — Kalifornine plakač (Pohjoižamerikan päivlaskmaine pala)
• Frangula crenata (Siebold & Zucc.) Miq. — Hambazlehtesine plakač (Kitai, Korei, Japonii)
• Frangula discolor (Donn.Sm.) Grubov — Kirjav plakač
• Frangula grandiflora (C.Y. Wu ex Y.L. Chen & P.K. Chou) Grubov — Järedänikoine plakač
• Frangula grandifolia (Fisch. & C.A.Mey.) Grubov — Järedlehtesine plakač (Kavkazantaguine, Iran)
• Frangula purshiana Cooper — Puršan plakač (Pohjoižamerik)
• Frangula rupestris Schur — Kall'plakač (Päivlaskmaižen Evropan mäged)