Mine sisu juurde

Remedios (Kuba)

Vikipedii-späi
Remedios
Valdkund Kuba
Eläjiden lugu (2017) 44,453 ristitud
Pind 560 km²
Remedios
Telefonkod +53−4239
Aigvö tal'vel UTC−5,
kezal UTC−4


Sil sanal voib olda toižid znamoičendoid; miše nähta niid, tulgat tänna.

Remedios (mugažo ispanijan kelel, virktas [reˈmeðjos]), täuz' nimituz om San Huan de los Remedios (isp.: San Juan de los Remedios) om Kuban lidn da municipalitet Vil'ja Klar-agjan päivnouzmas.

Istorii[vajehta | vajehtada tekst]

Eländpunktan aluz om pandud vl 1513, se om kaikiš amuižembiš ispanijalaižiden eländpunktoišpäi sarel, kahtenz' vai kahesanz' erazvuiččiden dokumentoiden mödhe. Eziauguine nimituz oli Santa Cruz de la Sabana. Möhemba nimed oliba Santa Cruz de Vasco Porcallo, Santa Cruz de la Sabana del Cayo, i lopuks, vspäi 1578, San Juan de los Remedios de la Sabana del Cayo.

Remediosan tahond šingotihe lehmänlihan kazvatandal da sen tondal Ispanijan Floridan kolonijoihe. 17. voz'sadan lopuspäi kazvatadihe maižanduzkul'turoid orjiden radon abunke: tabak, saharrogo, kofepud i kakaopud.

Geografijan andmused[vajehta | vajehtada tekst]

Lidn sijadase Kuba-saren keskuzpalan lodehes, vides kilometras sen pohjoižrandištonno, 25 m ü.m.t. keskmäižel korktusel. Matkad agjan administrativižhe Santa Klar-keskushesai om 40 km päivlaskmha, Kaibarjen-merikurorthasai lendimportanke om kahesa kilometrad päivnouzmha.

Klimat om tropine. Kun keskmäine lämuz vajehtase +25..+26 C° röunoiš vodes läbi.

Eläjad[vajehta | vajehtada tekst]

Vl 2004 municipalitetan eläjiden lugu oli 46 482 ristitud, heišpäi kaks' koumandest elädas lidnan territorijal.

Jogavozne Raštvoiden Las Parrandas de Remedios-festival'[1] oleskeleb lidnas tal'vkun 16.-26. päivil.

Homaičendad[vajehta | vajehtada tekst]

  1. Lidn turizman destination360.com-saital. (angl.)