Reno Žan

Reno Žan
franc.: Jean Reno
nimi sündundan jäl'ghe:	isp.: Juan Moreno Herrera y Jiménez
radmižen toižend:	akt'or
sündundan dat:	30. heinku 1948
sündundan sijaduz:	Kasablank, Marok
valdkund:	Francii  Ispanii
avtograf:
Reno Žan VikiAitas

Žan Reno (franc.: Jean Reno ['ʒɑ̃ ʁe'no]), todesine nimi om Huan Moreno i Errera-Himénez (isp.: Juan Moreno y Herrera-Jiménez; sünd. 30. heinku 1948, Kasablank, Marok) om francine akt'or ispaniženke augotižlibundanke.

Biografii

Huan om sündnu Kasablank-lidnha. Vl 1960 Žan kazvatajidenke sirdab Francijha (ende kanz pageni Marokho ispanižes Andalusijaspäi, päzutihe Frankon režimaspäi). Reno služi Francijan armijas samha francišt rahvahanikust.

Vl 1970 mez' oti akt'oran mahtoiden urokoid Rene Simonan studijas. Vl 1974 hän debütirui TV-oigendusiš, sid' Ecce Homo-teatran lavuzil. Vl 1978 vändi rolid «Vargastadud kuvan gipotez»-kinofil'mas, akt'oran kar'jer kinos mäni vitkos. Muga oli vasttushesai 26-voččenke Lük Besson-režissöranke, kudamb vll 1981−1994 fil'mzi Renod ičeze kuden fil'man znamasižiš roliš. Vn 1985 «Manalaine raudte»-fil'm toi tetabut ei norele Bessonale vaiše, no i znamoiči Žan Renon todesižen kinokar'jeran augud.

Kanz

Mez' om naižiš koumanden kerdan. Hänel kuz' last sünduiba erazvuiččiš naimiželoiš: Sandra-tütär (om sündnu vl 1978), Mikael-poig (om sündnu vl 1980), Tom-poig (om sündnu vl 1996), Serena-tütär (om sündnu vl 1998), Cielo-poig (om sündnu vl 2009), Dean-poig (om sündnu vl 2011).

Valitud fil'mografii

• «Vargastadud kuvan gipotez» (1978) — markiz L.
• «Jäl'gmäine tora» (1983) — rikoi (La Brute)
• «Manalaine raudte» (1985) — barabananvändai
• «Sinivauvaz pohjatomuz' » (1989) — Enco Molinari-čukloitelii
• «Nikita» (1990) — Viktor-killer
• «Verazplanetalaižed» (1993) — Godfrua de Monmirai-graf
• «Leon» (1994) — Leon-killer
• «Tehta missijan mödhe ei voi» (1996) — Franc Krüger
• «Rozannan täht» (vai «Sija kaumžomal», 1997) — Marčello
• «Jaguar» (1998) — Žan Kampana
• «Verazplanetalaižed 2: Aigan koridorad» (1998) — Godfrua de Monmirai-graf
• «Ronin» (1998) — Vinsent-paukalaine
• «Godzilla» (1998) — Filipp Roše-specagent
• «Muzarusttad joged» (2000) — Pjer N'jeman-komissar
• «Vasabi» (2001) — Juber Fiorentini-komissar
• «Rollerbol» (2002) — rollerbolan Aleksei Petrovič-tegii
• «Onetomad» (2003) — Rubi-ogernik
• «Händikahiden imperii» (2005) — Žan-Lui Šiffer-policijalaine erindas
• «Tigr da lumi» (2005) — Fuad-runokirjutai-irakalaine
• «Pagene!» (2006, mul'tfil'm) — Le Frog (än')
• «Ruza panter» (2006) — Žil'ber Ponton-žandarm
• «Da Vinčin kod» (2006) — Bezu Faš-kapitan
• «Ruza panter 2» (2009) — Žil'ber Ponton-žandarm
• «Lopmätoi rengaz» (2009) — Milo Malakän-«ristiž»
• «Armastusen formul paroiden täht» (2010) — Marsel'-opendai
• «22 pul'kad: Kolmatoi» (2010) — Šarli Matei-gangster
• «Oblav» (2010) — David Šeinbaum-lekar'
• «Margaret» (2010) — Ramon
• «Minä, Aleks Kross» (2012) — Leon Mers'je-politikanmez'
• «Šef» (2012) — Aleksandr de la Gard-päkeitai
• «Džo» (2013, TV-serial) — Joachim «Džo» Sent-Kler-detektiv
• «Verazplanetalaižed 3: Bastilijan otand vägel» (2016) — Godfrua de Monmirai-graf
• «Neižne sumeges» (2017) — Avgust Flores-doktor
• «Man jäl'gmäine päiv» (2020) — Anri, pähengen tat
• «Privatine azj» (2022, serial) — Gektor
• «Varghuz il'mas» (2024) — Lars Jorgenson

Mel'hetartujad faktad

• Hän om «Inter»-futbolkluban himokaclijan.
• Žan eläb koumepertin, kodid oma Parižas, Los Andželesas da Malaizijas.

Irdkosketused

• Reno Žan «Internet Movie Database»-saital (angl.)
• Reno Žan «KinoPoisk»-saital (ven.)