Tangerang

Tangerang
Kota Tangerang

Lidnanznam	Flag
Valdkund	Indonezii
Eläjiden lugu (2020)	1,895,486 ristitud
Pind	164,55 km²
Pämez'	Arief Račadiono Vismansjah (tal'vku 2013—, Arief Rachadiono Wismansyah)
Telefonkod	+62-(0)21
Aigvö	UTC+7

Lidnan kart (2018) Džakartan- i Suvitangerang-lidnoidenke

Tangerang (indonez.: Kota Tangerang [taˈŋəɾaŋ]) om lidn Indonezijan suvipäivlaskmas. Se om valdkundan kudenz' lidn eläjiden lugun mödhe. Mülüb Banten-agjaha (kaikiš suremb lidn) i Džakartan lidnaglomeracijha, sen päivlaskmaine ezilidn.

Istorii

Bantenan sultan pani sodalidnusen alust 17. voz'sadan kahtendes poles. Indonezijan ripmatomuden sandaspäi vl 1945 territorii šingotihe Džakartan tegimištoližeks ezilidnaks i sai erigoittud lidnan statusad vn 1993 28. päiväl uhokud.

Tuha da sen enamba erazvuiččiden sarakoiden tehmišt i korporativišt palakundad šingotadas Tangerangad. Üläopendusen znamasine keskuz, om torguindan, finansoiden i toižiden holitišiden edheotandoid.

Geografijan andmused

Lidn sijadase agjan pohjoižpäivnouzmas, Jav-saren lodehes, 18 m ü.m.t. keskmäižel korktusel.

Röunatab Džakartanke päivnouzmas (erigoittud agj), Tangerang Selatan-lidnan (vai Suvitangerang) municipalitetanke suves (mülüb Banten-agjaha). Ühtenzoitase senke da lähižidenke lidnoidenke Džabotabek-transportsistemal, mugoi-žo lidnaglomeracijan nimi om.

Tobmuz

Tangerang-rajonan sijaduz lidnas (2006)

Tangerang jagase koumetoštkümneks rajonaks (indonez.: kecamatan): Batuceper, Bend (Benda), Cibodas, Ciledug, Cipondoh, Džatiuvung (Jatiuwung), Karang Tengah, Karavaci (Karawaci), Larangan, Neglasari, Periuk, Pinang, Tangerang.

Eläjad

Vn 2010 Indonezijan rahvahanlugemižen mödhe lidnan eläjiden lugu oli 1,798,601 ristitud, agjan kudendez. Kaikiš suremb lidnan ristitišt om nügüd'.

Eläjiden kitajan augotižlibundanke znamasine lugumär om lidnas. Äi lidnalaižid ratas pälidnas, i vastkarin, Džakartan eläjad ajeltas radmaha Tangerangan tegimil.

Transport

Avtobusad oma kundaližeks transportaks lidnas. Lidnjonused ühtenzoittas Džakartanke.

Järed rahvahidenkeskeine civiline Sukarno-Hatta-lendimport (CGK / WIII, indonez.: Bandar Udara Internasional Soekarno–Hatta, 54,5 mln matknikoid vl 2019) radab lidnas.

Kacu mugažo

• Tangerang Selatan («Suvine Tangerang»)

Irdkosketused

• Lidnan oficialine sait (tangerangkota.go.id). (indonez.)