Trabzon

Vikipedii
Mine navigeerimisribale Mine otsikasti
Trabzon
Valdkund Turkanma
Eläjiden lugu (2018) 317,520 ristitud
Pind 235 km²
Trabzon
Telefonkod +90-(0)462
Aigvö UTC+3


Trabzon (mugažo turkan kelel, virktas [ˈtɾabzon], armen.: Տրապիզոն Trapizon), ende mugažo Trapezund (grek.: Τραπεζούντα) om lidn da meriport Turkanman pohjoižpäivnouzmas. Se om Trabzonan agjan administrativine keskuz.

Istorii[redaktiruida | redaktiruida purde]

Eländpunktan aluz om pandud läz 756. vot EME. Se oli Amuižen Grekanman kolonii Τραπεζοῦς-nimitusenke (Trapedzous), Evsevii Kesarijalaine-istorikan mödhe. Vspäi 2014 agjan keskuzrajonan turkan oficialine nimituz om Ortahisar.

Trabzon šingotase meriportal i turizmal. Kaivuztegimišton edheotandad oma ezilidnoiš, sadas nenid metalloid: vas'k, cink, hobed, raud, marganc. Sijaližed ančousad (sel'din toižend) kulutadas äiluguižiš restoranoiš, kazvatadud mecpähkmed i čajud lähttas portan kal't.

Geografijan andmused[redaktiruida | redaktiruida purde]

Lidn sijadase Mustmeren randal, 50 m ü.m.t. keskmäižel korktusel, Kolat-Dag-mägen pohjal (3410 m).

Klimat om subtropine valdmeren. Voden keskmäine lämuz om +15,2 C°, kaikiš lujemb pakaine oleskeli −7 C°. Läz ei olele haloid. Paneb sadegid 902 mm vodes, enamba tal'vel, minimum heinkus (35 mm).

Eläjad[redaktiruida | redaktiruida purde]

Vn 2011 Turkanman rahvahanlugemižen mödhe lidnan eläjiden lugu oli 305 231 ristitud. Kaikiš suremb ristitišt om nügüd'. Läz 800 tuhad eläjid om ezilidnoidenke, ned oma kaik Trabzonan agj faktižikš. Vspäi 2011 lugetas agjan kaikid eläjid lidnalaižikš.

Pontan grekalaižiden kund eläb lidnas, no heišpäi vaiše vanhad ristitud pagištas ičeze kelel.

Irdkosketused[redaktiruida | redaktiruida purde]