Tuzl

Tuzl
Tuzla (bosn. i horv.)
Тузла (serb.)
Lidnanznam;	Flag;
Valdkund	Bosnii da Gercegovin
Eläjiden lugu (2013)	110,979 ristitud
Pind	294 km²
Pämez'	Zijad Lugavič; (tal'vku 2022—,; Zijad Lugavić)
Telefonkod	+387-(0)35
Aigvö	tal'vel UTC+1,; kezal UTC+2

Tuzl (bosn. i horv.: Tuzla, bosnijan virkand: [tûzla], serb.: Тузла) om Bosnijan da Gercegovinan koumanz' lidn da kund eläjiden lugun mödhe. Se om Bosnii da Gercegovinan Federacijan Tuzlan kantonan administrativine keskuz.

Istorii

Eländpunkt mainitase ezmäižen kerdan vl 950 Soli-nimitusenke («solad»). Nügüdläine nimituz om ottud turkan kelespäi, sen znamoičend om enzne.

Tuzl šingotase kivihilen samižel (kuz' kaivust kundas). Sijaline elektrostancii kävutab sidä i om kaikiš surembaks valdkundas. Himine, jüžmak i sömtegimišt oma kundan päsarakoikš. Turizm soljärvennoks, 350 tuhad matknikoid vodes.

Geografijan andmused

Lidn sijadase kantonan keskuzpalas, valdkundan pohjoižpäivnouzmas, 245 m ü.m.t. keskmäižel korktusel.

Klimat om ven valdmeren valatoitandanke. Keza om päivoikaz, tal'vaig om pil'vekaz lujas. Voden keskmäine lämuz om +10,8 C°, kezakun-elokun +18,8..+20,9 C°, tal'vkun-uhokun +0,5..+2,4 C°. Ekstremumad oma −25,8 C° (viluku) i +40,7 C° (heinku, eloku). Kezaaigan minimum om +4,0 C° (kezaku), tal'vaigan maksimum om +25,3 C° (uhoku). Ei voi panda halad kezakus-elokus, ned oma harvad lujas semendkus i sügüz'kus. Paneb sadegid 920 mm vodes, enamba semendkus-heinkus (96..115 mm kus), vähemba vilukus-keväz'kus (54..59 mm kus). Rekordine registriruidud lumikate oli 97 sm kortte vn 1984 uhokus.

Tobmuz

Valitas lidnan pämest nelläks vodeks, toižen strokun voimuz om olmas. Edeline lidnan pämez' om Jasmin Imamovič (uhoku 2001 — kül'mku 2022, Jasmin Imamović).

Eläjad

Vn 1991 rahvahanlugemižen mödhe lidnan eläjiden lugu oli 83,770, lidnankundan — 131,618 ristitud. Rahvahanikoiden sodan aigan lidn vastsi äi pagenijoid, ristitišt ližadui (174,558 eläjad oli kundas vl 2006), no sid' poleni (131,640 eläjad vl 2009). Vn 2013 rahvahanlugemine registrirui 110,979 kaikenaigašt eläjad.

Rahvahad (2013): bošnäklaižed 72,78 %, horvatijalaižed 13,87 %, serbalaižed 3,04 %, toižed rahvahad i rahvahuden ozutandata — 10,30 %.