Ušakovan sild
Ušakovan sild (ven.: Ушаковский мост) om kahesakeskustaine terasine i raudbetonine avtotesild Venäman Piteriš Sures Nevkas päliči. Se om avaiduzsild, kävutase avtoil, tramvail da jaugnikoil.
Sauvuz ühtenzoitab Kivisaren prospektad (Petrogradan rajon) Krilov-akademikan irdanke (Merenrandaine rajon). Kantemirovkan sild om saudud ülezjogen, Koumanz' Jelagin sild sijadase mödvedhe.
Istorii
[vajehta | vajehtada lähtetekst]Eziauguine sild oli plaškoutoišpäi. Tehtihe sidä vl 1786 kuti Kivisaren sild, vspäi 1802 sai Kahtenz' Kivisaren sild-nimed (ven.: Второй Каменноостровский мост) toižen Kivisaren sildan vaumičendan tagut Pen' Nevk-joges päliči. 1830-nziš vozišpäi nimitihe Stroganovan sildaks, sikš miše Stroganov-kanzan kezakülä sijazihe läheli. Vozil 1869−1935 puine sild oli olmas, i jo vll 1906−1907 tramvaid da avtod ajeliba sildadme.
Nügüd'aigaine sild om saudud metallaspäi (viž keskustad) da raudbetonaspäi (kaik toine) vozil 1953−1954, projektan sädajad oma V. V. Demčenko- i B. B. Levin-inženerad, P. A. Arešev- i V. S. Vasil'kovskii-arhitektorad. Udesnimitihe nügüdläižikš vn 1952 tal'vkus Födor Ušakov-admiralan muštoks. Vl 2010 andoihe Stroganovan sild-nimed lähižele nimetomale jaugnikoiden sildale Mustas joges päliči.
Ümbrikirjutand
[vajehta | vajehtada lähtetekst]Sild om 205 m pitte (eziteidenke 255 metrad) da 27 m levette. Nell' avtoted (kaksin joga čuraduses), tramvaijono seičeme metrad levette i kaks' koumemetrašt trotuarad oma sildal.
Terasižed keskustad oma balkoišpäi, 27,5..30 m pitte. Voziden 1999−2000 pudotihe oigedrandaližid keskustoid erižtazoristten sauvomižes. Likundted oma kattud monolitižel raudbetonal krepindanke asfal'tbetonaspäi. Avaiduzkeskust om kattud raudbetonapakoil. Alused oma monolitižed vairostverkoil, oma kattud ozrikkivel.
Irdkosketused
[vajehta | vajehtada lähtetekst]- Ušakovan sild Piterin Mostotrestan saital (mostotrest-spb.ru). (ven.) (angl.) (kit.)
 |
Ušakovan sild Vikiaitas |