Udmurtalaižed

Udmurtalaižed om suomalaiž-ugrilaine rahvaz, kudamb eläb Venäman Udmurtijan Tazovaldkundas tobjimalaz, mugažo lähembaižiš sennoks regionoiš.

Pagištas udmurtan i venän kelil. Udmurtalaižiden 58,7 % nimiti kodikeleks udmurtan kel't, se mülüb suomalaiž-ugrilaižen kanzan permin gruppha. Ičeze kel'gruppas udmurtan kel' permin komin i komin kelidenke om permin alagrupp.

Vn 2010 rahvahanlugemižen mödhe läz 552 tuhad udmurtalaižid elihe Venämas, sidä kesken Udmurtijas 410 tuh. ristituid. Vn 2021 rahvahanlugemižen mödhe kaik 386 465 udmurtalašt elihe Venämas.

Etimologii

Nügüd'aigaižes udmurtan keles udmurtan kelen ičenimituz jagase kahteks palaks — ud- (sel'ktatomanke znamoičendanke) i -murt «mez'» (iranine velgsana). Sanan ezmäižen palan etimologii ei ole sel'ged ani. S.K. Belih- i V.V. Napol'skii-tedomehiden melen mödhe udmurt-etnonim libub iranan *anta-marta-sanaspäi «röunman eläi; sused» — stepin iranankeližen mirun rindataden, sättub amuižslavilaižiden ühtele nimitusišpäi — ant «röunman eläjad».

Enzne venäkel'ne nimituz om vat'aki (ot'aki, vat'), se libub ud-tüvespäi, mi ičenimi udmurt, no marin kal't — odo «udmurt».

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.