Vologdan pörutügitegim

Tegimen logotip.

Vologdan pörutügitegim vai SAS «VPT» (ven.: Вологодский подшипниковый завод, angl.: Vologda bearing factory) om Venäman pörutügitegmišton üks' kaikiš surembiš edheotandoišpäi, sijadase Vologdas. Se om kaikiden konstruktivižjonoiden pörutügiden ezinenahine tegii. Enamba 1 mln pörutügid kus (2018), enamba 3 tuhad radnikoid vl 2013.

Pädirektor, sid' direkcijan ohjandai — Aleksandr El'perin vspäi 1994. Tegimen direktor — Aleksei Mel'nikov vspäi 2005.

Enzne

Vn 1967 4. päiväl uhokud NSTÜ:n Ministrišt oti Käsköd № 102 Valdkundaližen pörutügitegimen sauvondas Vologdha varatoitamha Volgan avtotegint komplektacijan tegesil Čerepovecan metallaspäi. Ezmäižen Vologdan pörutügen pästandan oficialine dat om vn 1971 26. viluku. Vl 1971 uhokun augotaden Vologdan VPT oigendaškanzi ičeze produkcijad Tol'jatti-lidnan avtotegimhe kaikenaigaižikš.

Vn 1971 sügüz'kus tegim pästi ičeze ezmäine million pörutüged. Vl 1975 VPT-23 pörutügiden 13 tipale anttihe valdkundališt Hüvän Ladun znamad. Vn 1981 12. päiväl keväz'kud Valdkundaline pörutügitegim № 23 sai ičeze ezmäšt arvlahjad — Radoližen Rusttan flagan ordenad.

Vl 1994 vajehtihe edheotandan formad SAS:ha, se sai nügüdläšt nimed.

Massinformacijan sarak

Vs 1972 redukun 26. päiväspäi pästtas tegimes ičeze maksutont «Vologdan pörutügi»-lugendlehtest (ven.: Вологодский подшипник).

Irdkosketused

• Vologdan pörutügitegim:en oficialine sait (vbf.ru). (ven.) (angl.)
• «Vologdan pörutügi»-lugendlehtesen nomerad vbf.ru-saital. (ven.)