Snežnogorsk

Snežnogorsk
Снежногорск
Lidnanznam;	Flag;
Valdkund	Venäma
Eläjiden lugu (2022)	12,995 ristitud
Pind	23,1 km²
Telefonkod	+7−81 530-xx-xxx
Avtokod	51
Aigvö	UTC+3 (MSK+0)

Snežnogorsk (ven.: Снежного́рск) om Venäman lidn Murmanskan agjan pohjoižes. Vspäi 2008 mülüb Sauptud administrativiž-territorialižhe «Aleksandrovsk»-ühtnikha (521 km²) territorialižeks ümbrikoks. SATÜ:n administracii sijadase neciš lidnas.

Istorii[vajehta | vajehtada tekst]

Ende Ščitovai-žilo (ven.: посёлок Щитовая) oli lidnan sijas vspäi 1933, tegihe pumetoid laivišton amblusiden täht da azuihe kalaverkoid. Nügüd'aigaižen eländpunktan aluz om pandud vl 1970 kuti sauptud žilo holitamha vedenalaižiden atomlaivoiden «Nerpa»-kohenduztegint (saudihe vspäi 1964). Vl 1973 nimitihe Vjužnii-žiloks, vai Murmansk-60 kirjeižiden täht. Sai lidnan statusad vl 1980. Vspäi 1994 nimitase nügüdläižikš oficialižešti.

Snežnogorskas utiliziruidas VA-laivid i saudas kalatezlaivoid «Nerpa»-kohenduztegimel^[1], se om Severodvinskan «Tähthaine»-edheotandan filialaks.

Geografijan andmused[vajehta | vajehtada tekst]

Lidn sijadase tundran sambnuden vulkanan pautkil 174 metrhasai ü.m.t. kortte, koumel terrasal. Snežnogorsk om ümbärtud penil järvil erazvuiččenke formanke, kävutadas jomižvedeks. Matkad Barencan meren jädumatoman Olen'jan lahten Kut-merikaran randhasai i tegimhesai om nell' kilometrad pohjoižpäivnouzmha, SATÜ:n Polärnii-lidnhasai om kahesa kilometrad päivnouzmha orhal vai 14 km avtotedme (avtobusad ühtenzoittas lidnoid), SATÜ:n Gadžijevo-lidnhasai om 12 km pohjoižpäivnouzmha avtol, Murmanskhasai — 26 km suvipäivlaskmha orhal vai 58 km avtotedme.

Klimat om subarktine meren. Äižiruižen pertišton pind om 0,62 km².

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 12 683 ristitud. Vl 2017 lidnan ristitišt oli 12 696 eläjad. Kaikiš suremb lidnan ristitišt oli 16 300 eläjad vl 1996.

Ortodoksižen hristanuskondan ph. Jurgii-vägestusenkandajan kivine pühäpert'^[2] om saudud vll 1995−1998.

Murmanskan kooperativižen tehnikuman filial^[3] (vspäi 1997) i Murmanskan pedagogižen kolledžan filial ratas lidnas professionaližen opendusen aluzkundoikš.

Galerei[vajehta | vajehtada tekst]

Üks' järvuzišpäi lidnanno (vn 2008 heinku)
«Nerpa»-tegimen tulend (2012)
«Sovremennik»-kul'turkeskuz («aigalaine») lidnan torgul V.V. Murkon nimed vl 2014
Poliklinik lapsiden täht (2011)

Homaičendad[vajehta | vajehtada tekst]

Irdkosketused[vajehta | vajehtada tekst]

Snežnogorsk Vikiaitas

	Murmanskan agjan lidnad
	Apatitad \| Gadžijevo \| Kandalakš \| Kirovsk \| Kol \| Kovdor \| Mončegorsk \| Murmansk \| Olenegorsk \| Ostrovnoi \| Polärnii \| Polärnije Zori \| Severomorsk \| Snežnogorsk \| Zaozörsk \| Zapolärnii

[1] «Nerpa»-kohenduztegimen sait (srznerpa.ru). (ven.)

[2] Snežnogorskan pühäpertid sobory.ru-saital. (ven.)

[3] Andmused Snežnogorskan filialas Murmanskan kooperativižen tehnikuman ktmops.ru-saital. (ven.)

[1]

[2]

[3]