Čerkasad

Čerkasad
Черкаси
Lidnanznam;	Flag;
Valdkund	Ukrain
Eläjiden lugu (2022)	269,836 ristitud
Pind	75 km²
Pämez'	Anatolii Bondarenko; (kül'mku 2015—)
Telefonkod	+380−472
Aigvö	tal'vel UTC+2,; kezal UTC+3

Čerkasad (ukr.: Черкаси [tʃerˈkɑsɪ]) om lidn Ukrainan keskuzpalas. Se om Čerkasan agjan administrativine keskuz (vspäi 1954) da kaikiš suremb lidn.

Istorii

Nügüdläine eländpunkt mainitase 1380-nziš vozišpäi. Sai lidnan statusad oficialižeks vl 1795. Kozakišton augotižlibundan znamasine keskuz.

Čerkasad šingotasoiš himižel tegimištol, mašinansauvomižel (ladimed, elevatorad, avtoiden ühthekeradand i avtobustegim), kebnal tegimištol (šuukkombinat, omblendfabrik, kengiden fabrik), sauvondmaterialiden pästandal (metalližkonstrukcijad, puižed apakod, katuzmaterialad, asfal't), sömtegimištol, mugažo kaks' mebel'fabrikad ratas lidnas.

Geografijan andmused

Lidnan sijaduz agjas i valdkundas vn 2005 kartal

Lidn sijadase agjan päivnouzmas, Dnepran Kremenčugan vezivaradimen oiktal randal, 110 m ü.m.t. keskmäižel korktusel.

Matkad Kijevhasai om 157 km lodeheze orhal, 186 km avtotedme vai 240 km raudtedme. Om sildoid Dnepras päliči.

Klimat om ven. Keza om päivoikaz, tal'vaig om pil'vekaz lujas. Voden keskmäine lämuz om +8,3 C°, kezakun-elokun +18,7..+20,6 C°, tal'vkun-uhokun −2,4..−3,9 C°. Ekstremumad oma −35 C° i +38 C°. Paneb sadegid 544 mm vodes, enamba kezakus-heinkus (63..72 mm kus), vähemba tal'vkus-sulakus (30..36 mm kus). Paneb 48 sm lunt ühtes tal'ves. Kun keskmäine relätivine nepsuz vajehtase 64..70 % röunoiš sulakus-elokus, 82..85 % kül'mkus-uhokus, 74..79 % toižiš kuiš.

Tobmuz

Čerkasad jagasoiš kahteks rajonaks: Dnepranverine (ukr.: Придніпровський) i Sosnovskii (Соснівський).

Eläjad

Vn 2001 Ukrainan rahvahanlugemižen mödhe lidnan ristitišt oli 292,761 eläjad. Vl 2015 lidnan eläjiden lugu oli 284,789 ristitud 69 km² pindal, agjan videndez. Kaikiš suremb lidnan ristitišt oli 302 tuhad eläjid vl 1991.

Kodikel' (2001): ukrainan kel' 79,05 %, venän kel' 18,68 %, toižed keled 2,27 %.

Galerei

Lidnan tobmuden sauvuz (rada, 2019)
Ph. Mikulai-arhangelan kafedraline päjumalanpert' (om saudud vll 1994−2002, ortodoksine hristanuskond), vn 2019 nägu
Himine «Azot»-kombinat, administrativine korpus vl 2014
Čerkasan nacionaline universitet Bogdan Hmel'nickijan nimed, openduzkorpus nomer 1 (eloku 2018)
Čerkasan filarmonii (vn 2015 uhokun olend)
Dizel'jonuz Čerkasad-päraudtestancijal vl 2020

Irdkosketused

Čerkasad-lidnan tobmuden sait (chmr.gov.ua). (ukr.)

Čerkasad Vikiaitas