Dnepr
Dnepr (ukr.: Дніпро, Дніпер, vaug.: Дняпро, ven.: Днепр) om jogi Evropan päivnouzmas, nellänz' pitte kontinental i Ukrainan kaikiš znamasižemb.
Jogi oli tutab amuižgrekalaižile Borisfen-nimenke. Siloi lugetihe Dneprad Evropan päivnouzmaižeks röunaks.
Ühthižed andmused
[vajehta | vajehtada lähtetekst]Jogen piduz om 2201 km (edel farvateran vajehtust vezivaradimil oli 2285 km), basseinan pind — 504 tuhad nellikkilometrid. Dnepran alangišton leveduz sase 18 kilometrhasai, jogen luhtoidenke — 12 kilometrhasai. Suhišton pind om 350 km².
Dnepran üläjoksmuz om Kijevhasai, keskjoksmuz Zaporožjehesai, toine om alajoksmuz. Vozne keskmäine vedhuz om 53,5 km³ (1700 m³/s) suhištos, läz Kijevad 43,4 km³ (1370 m³/s).
Jogen bassein
[vajehta | vajehtada lähtetekst]Dnepranjogi jokseb Venämalpäi (485 km) päliči Vaugedvenämas (595 km, sidä kesken 115 km Ukrainan röunal) Ukrainha (1121 km), siš se lankteb Mustmerhe. Kuz' järedad vezivaradint GES:oidenke om saudud jogenvagol Ukrainan territorijal (mödvedhe): Kijevan, Kanevan, Kremenčugan, Kamenskojen, Dnipron i Kahovkan vezivaradimed. Niiden ližaks 498 penembad vezivaradint om saudud Dnepran basseinas (Ukrainan vezivaradimiden nell' ühesandest) 1532,8 km² ühthiženke pindanke da veden 2,09 km³ täudenke mülünke.
Dnepran kaikiš znamasižembad ližajoged oma:
Kuz' kanalad lähttas Dnepraspäi alajoksmuses. Niiden vezi kävutase kastelendan da jomižen täht.
Randaližed lidnad da portad
[vajehta | vajehtada lähtetekst]Nened järedad lidnad seištas Dnepran randoil (mödvedhe):
Homaičendad
[vajehta | vajehtada lähtetekst]
 |
Dnepr Vikiaitas |