Dnipro

Vikipedii
Jump to navigation Jump to search
Dnipro
Дніпро
 Lidnanznam
Coat of arms of Dnipro.png
 Flag
Flag of Dnipro.png
Valdkund Ukrain
Eläjiden lugu (2018) 1 001 092 ristitud
Pind 405 km²
Dnipro Дніпро
Pämez' Boris Filatov
(kül'mku 2 015—)
Telefonkod +380-(0)56-xxx-xx-xx
Aigvö tal'vel UTC+2 
kezal UTC+3


Dnipro (ukr.: Дніпро́ [d̪ɲiˈprɔ], ven.: Днепр; 1784 — Novi Kodak, 1784−1796 i 1802−1926 — Jekaterinoslav, 1796−1802 — Novorossiisk, 1926−2016 — Dnepropetrovsk) om Ukrainan nellänz' lidn eläjiden lugun mödhe. Se om Dnepropetrovskan agjan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1776. Se sai lidnan statusad vl 1778. Vozil 1776−1796 da 1802−1926 sen nimi oli Jekaterinoslav (ukr.: Катеринослав). Raudte ühtenzoiti lidnad Donbassan kivihilen i Krivii Rohan raudkivendon löudmižsijidenke 19. voz'sadan lopus, i se šingotaškanzi raudan metallurgijan tegimil. Nevondkundaližen aigan lidn oli sauptud verazmalaižišpäi sodategimišton koncentracijan tagut.

Dnipro om Ukrainan ižandusen oficialižetoi pälidn, šingotase raudmetallurgijan i torviden tegimil, mašiništonsauvomižel (vagonoiden palad), finansižel sarakol.

Geografijan andmused[redaktiruida | redaktiruida purde]

Lidn sijadase Dnepr-jogen molembil randoil, 120 m ü.m.t. keskmäižel korktusel. Matkad Kijevhasai om 503 km lodeheze avtotedme.

Eläjad da transport[redaktiruida | redaktiruida purde]

Vn 2001 rahvahanlugemižen mödhe eläjiden lugu oli 1 065 008 ristitud. Kaikiš suremb ristitišt oli 1 189 900 eläjad vl 1992. Läz 1,4 mln ristituid elädas ezilidnoidenke (2015).

Avtobusad, trolleibusad, tramvaid, maršruttaksid, taksid da jogiastjad oma kundaližeks transportaks lidnas. Metropoliten radab vspäi 1996 (1 jono, 6 stancijad, 7,1 km raudted). Keskuzline i Suvine päraudtestancijad, koume avtostancijad i jogistancii oma olmas lidnas. Rahvahidenkeskeine civiline lendimport (DNK) sijadase 5 km suvipäivnouzmha lidnaspäi, tehtas reisid Kijev-, Ven- i Tel' Aviv-lidnoihe, mugažo čarterreisid Keskmeren lebutahoiže.

Tetabad ristitud[redaktiruida | redaktiruida purde]

Sündnuded
  • Il'ja Kabakov (sünd. 1933) — nevondkundaline i amerikalaine pirdai.
  • Julija Timošenko (sünd. 1960) — politine da valdkundaline šingotai, enzne Ukrainan päministr (2005, 2007−2010).
Eläjad
  • Leonid Kučma (sünd. 1938) — politine da valdkundaline šingotai, enzne Ukrainan prezident (1994−2005).

Irdkosketused[redaktiruida | redaktiruida purde]