Krivii Roh

Krivii Roh
Кривий Ріг
Lidnanznam;	Flag;
Valdkund	Ukrain
Eläjiden lugu (2020)	617,832 ristitud
Pind	430 km²
Pämez'	Konstantin Pavlov; (tal'vku 2020—.; Костянтин Павлов)
Telefonkod	+380-(0)56-xxx-xx-xx
Aigvö	tal'vel UTC+2,; kezal UTC+3

Krivii Roh vai Krivii Rih (ukr.: Криви́й Ріг [krɪˈʋɪi̯ rʲiɦ], ven.: Криво́й Рог) om Ukrainan kahesanz' lidn eläjiden lugun mödhe. Mülüb Dnepropetrovskan agjha, sen kahtenz' lidn eläjiden lugun mödhe. Se om Krivii Rohan rajonan keskuz mugažo i om sen palaks vn 2020 heinkuspäi.

Istorii

Eländpunktan aluz om pandud kozakištol vl 1775. Se sai lidnan statusad vl 1919.

Krivii Roh šingotase raudan metallurgijan tegimel («ArselorMittal Krivii Rih»), raudkivendon da toižiden metalloiden kivendoiden samižel.

Geografijan andmused

Lidn sijadase agjan suvipäivlaskmas, Saksagan'-jogen lanktendan randoil Ingulecha huralpäi (ukr.: Інгулець / Малий Інгул, Dnepr-jogen oiged ližajogi), 84 m ü.m.t. keskmäižel korktusel. Üks' kaikiš pidembiš Evropan lidnoišpäi, 66 km pitte.

Matkad agjan Dnipro-keskushesai om 137 km päivnouzmha-pohjoižpäivnouzmha orhal, 146 km avtol vai 168 km raudtel, Kijev-pälidnhasai om 428 km lodeheze avtotedme vai 448 km raudtedme.

Tobmuz

Krivii Roh jagase seičemeks nimitadud lidnrajonaks.

Edeline lidnan pämez' om Jurii Vilkul (Юрій Вілкул, kül'mku 2010 — tal'vku 2020).

Eläjad

Vn 2001 rahvahanlugemižen mödhe lidnan eläjiden lugu oli 668,980 ristitud, vl 2010 — 670,397 ristitud. Kaikiš suremb lidnan ristitišt oli 713,059 eläjad vl 1989. Läz 1 mln ristituid (2010) elädas Krivii Rohan aglomeracijas 7470 km² pindal.

Rahvahad (enamba 0,4 % vl 2001): ukrainalaižed — 79,1 %, venänikad — 17,7 %, vaugedvenälaižed — 0,9 %, toižed rahvahad — 2,3 %. Mamankel' (2001): ukrainan kel' — 71,4 %, venäkel' — 27,2 %, toine kel' — 1,4 %.

Transport

Avtobusad, trolleibusad, tramvaid, kiruhtramvai (vspäi 1986, 18 km, 11 stancijad), ezilidnelektrojonused i taksid oma kundaližeks transportaks lidnas. Krivii Roh-Päine päraudtestancii, kümne tošt raudtestancijad.

Rahvahidenkeskeine civiline Krivii Roh-lendimport^[1] (KWG / UKDR, 21,3 tuh. passažiroid vl 2019) sijadase kaks'kümnes kilometras lodeheze lidnaspäi. Tehtas čarterreisid Lähižen Päivnouzmman lebutahoiže.

Galerei

Lidnan tobmuden sauvuz (eloku 2013)
Spasan Toižetamižen kafedraline päjumalanpert' (ortodoksine hristanuskond), nägu vn 2010 tal'vkus
Lidnan draman da muzikkomedijan teatr Taras Ševčenkon nimed (vn 2013 sügüz'kun olend)
Krivii Roh-Päine päraudtestancijan sauvuz vl 2015

Homaičendad

↑ Krivii Roh-lendimportan sait (kwg.aero). (ukr.)

Irdkosketused

Lidnan oficialine sait (kr.gov.ua). (ukr.)

Krivii Roh Vikiaitas

[1] Krivii Roh-lendimportan sait (kwg.aero). (ukr.)

[1]