Šablon:Päivän foto

Päivän foto

Pakuižšoiduine pomakant (latin.: Pomacanthus maculosus) Angelkalad-sugukundaspäi (Pomacanthidae) rahvahaližes Ras Mohammed-parkas (arab.: رأس محمد Ra's Muḥammad «Mohammedan nem'» 480 km² pindal) Sinain pol'saren kaikiš suvižembanno čoganno, 25 km suvipäivlaskmha Šarm-eš-Šeih-kurortaspäi, Egipt, 26. keväz'ku 2022. Se meriangelan erik om levitadud Persijan lahtedme, Indižen valdmeren lodehes i Rusttas meres, suvhe 19 gradushasai suvišt levedust. Vl 2009 se oli löutud Livanan randištonno, ezimeletaden migracijan tagut Suecan kanalan kal't. Se pomakant eläb 4..50 m süvüzil, kaitud sijiš mudan i koralliden olendanke. Sötlesoiš merigubkoil i toižil sel'grodatomil. Emäčud kändasoiš täuz'kaznuzikš 5,5 vot igäs, kazdas 216 millimetrhasai, elon hätkeližuz oleleb 36 vodhesai. Hö oma protoginnižikš germafroditoikš: vanhembad emäčud voidas kätas ižačuikš ku ižačuid om vähä. Sadas pakuižšoiduižid pomakantoid mömhä akvariumkaloikš, voib nähta Persijan lahten erasiš-se kalatorgusiš.

Kacuhtada