Ahvenad

Ahvenad
Jogiahven (Perca fluviatilis)
Tedoklassifikacii
Valdkund: Živatad Tip: Sel'gjäntkeižed (Chordata) Klass: Pal'csuugaižed kalad (Actinopterygii) Heimkund: Ahvenanvuiččed (Perciformes) Sugukund: Ahvenaižed (Percidae) Heim: Ahvenad
Latinankel'ne nimi
Perca (Linnaeus, 1758)
Sistematik Vikierikoiš Kuvad Vikiaitas ITIS 168468 NCBI 8166

Pakuine ahven
(Perca flavescens)

Ahvenad (latin.: Perca) oma jogikalad. Se om Ahvenaižed-sugukundan heim, üks'jäine Percinae-alasugukundas.

Kalanpoigaižed oma ahvenmaimad. Hen ahven nimitase mugač:uks.

Leviganduz

Koume erikod oma levitadud Pohjoižen mapoliškon venos vös. Ahvenal ei ole surt znamoičendad kalanpüdandas.

Ahvenad elädas reskas vedes — jogiš, järviš, ojiš. Järedambad ahvenad ujudas süvembidme sijidme (oz., Änižes i Bodenjärves). Voidas eläda solakahas vähän vedes.

Ümbrikirjutand

Hibj om värtmenvuitte, somuz om hen ktenoidine i ištub vahvas. Om somust sazopäil, pän üläh om pall'az. Hambhad kazdas äjil rivil. Šahloiden saubad oma üks'jäiženke ogahanke. Kaik om seičeme šahloiden neglašt.

Ahvenan sel'gsuugas om 13..14 kovad neglašt, razvsuug om kahtenke neglaiženke. Om enamba mi 24 rodad sel'grodas.

Har'gmused

Ahvenad oma lihansöjad kalad. Ned södas penembid kaloid, rakuzid, gavedid. Äikerdoitas heredas, ka voidas kačustada kalan arvokahid erikoid uitoiš i järviš, sen tagut ahveniden püdand om velgusine siš.

Erikod

Heim mülütab koume erikod:

• Perca flavescens — Pakuine ahven
• Perca fluviatilis — Järgeline vai evropine, vai jogiahven
• Perca schrenkii — Balhašan ahven

Ahvenha sidodud vepsän muštatišed

• Ahvenal om ičeze vald onghe tartta kut tahtoib.
• Haugenpä — bobulin loun, ahvenanpä — anopen loun.

Kacu mugažo

• Ahvenhein

Edesine lugemine

• «Perch» — Britanižen enciklopedijan kirjutuz (Encyclopædia Britannica, 2011). (angl.)