Änine

Vikipedii
Hüpähtada: navigacii, Ecind
Änine

Änine vai Änižjärv (venäkelel: Онежское озеро, Онего, karjalan kelel: Oniegu, suomen kelel: Ääninen, Äänisjärvi) om järv Venälaižen Federacijan evropižes lodehpoles, Karjalan Tazovaldkundas, Leningradan da Vologdan agjoiš. Se om toine järv pindan mödhe Evropas Ladogjärvhe rindataden. Änine om Atlatižen valdmeren Baltijan meren basseinan järv.

Järven pind saridenke om läz 9700 km². Veden mülü järves om 285 km³. Piduz pohjoižespäi suvhesai om 245 km, kaikiš suremb leveduz om 91,6 km. Keskmäine süvüz om 30 m, kaikiš suremb süvüz om 127 m. 50 joged langetas järvhe, no vaiše üks' — Süvär' — jokseb lähten Änižespäi. Änižen randal om 3 lidnad: Petroskoi, Kondopog da Medvežjegorsk.

Änižes om 1650 sared. Niiden ühthine pind om 224 km². Sariden lugus om Kiži-sar', kudambal om 89 pušt arhitekturan muštpacast XV-XX voz'sadoid (časounäd, pühäkodid, küläpertid, mellicad da aitod). Nece keraduz om pandud UNESCO:n mail'man kal'huziden nimikirjuteshe. Änižen päivnouzmrandal om 1200 petroglifad (IV - II voz'tuhad edel meiden erad).

Irdkosketused[redaktiruida | redaktiruida purde]