Kondopog

Kondopog
Кондопога (ven.)
Kondupohju (karj.)
Kontupohja (suom.)
	Lidnanznam;
Valdkund	Venäma
Eläjiden lugu (2018)	30 299 ristitud
Pind	11 km²
Pämez'	Dmitrii Zacepin; (reduku 2 018—)
Telefonkod	+7-81 451-xx-xxx
Avtokod	10
Aigvö	UTC+3 (MSK+0)

Kondopog (ven.: Кондопога, karj.: Kondupohju, suom.: Kontupohja) om Venäman lidn da lidnankund Karjalan Tazovaldkundan suves. Se om Karjalan kahtenz' lidn eläjiden lugun mödhe, Kondopogan rajonan administrativine keskuz (vspäi 1927), mülüb rajonha.

Istorii[redaktiruida | redaktiruida purde]

Eländpunktan aluz om pandud vl 1563. Se sai lidnan statusad vl 1938. Suren sodan aigan oli okkupiruidud Suomenman sodavägil (3. kül'mku 1941 — 28. kezaku 1944).

Kondopog šingotase cellülozbumagaižel kombinatal, gidroelektrostancijal, rajonan turizman magaduzkeskuseks.

Geografijan andmused[redaktiruida | redaktiruida purde]

Lidnan fotokuva kaimdajaspäi.

Lidn sijadase Änižen lodehližel randal (Kondopogan laht), 60 m ü.m.t. keskmäižel korktusel. Matkad Petroskoihesai om 46 km suvhe orhal, 54 km «Kol»-avtotedme vai raudtedme.

Klimat om ven meren klimatan pirdoidenke. Paneb sadegid 580 mm vodes, enamba kaiked — kezakus-sügüz'kus.

Berözovk-žilo (633 rist. vl 2013) mülüb lidnankundha Kondopogan ližaks.

Lidnankundan londuseližed varad oma mramor, raudkivend, šebin', lete, kala, reskvezi.

Eläjad[redaktiruida | redaktiruida purde]

Vl 1939 lidnan eläjiden lugu oli 13 374 ristituid. Vn 2010 kaiken Venäman rahvahanlugemižen mödhe eläjiden lugu oli 32 987 ristituid. Kaikiš suremb lidnan ristitišt oli 36..37 tuhad eläjid vll 1989−2001 (37 400 rist. vl 1992).

Petroskoin mectehnižen tehnikuman Kondopogan palakund^[1] (edel 2019 vot Kondopogan tehnikum) om professionaližen opendusen aluzkundaks.

Valerii Anhimov radoi lidnan administracijan pämehen vll 2009−2018, sid' likvidiruihe lidnan administracijad.

Galerei[redaktiruida | redaktiruida purde]

Jumalanmaman Sündundan pühäpert'
Cellülozbumagaine kombinat vl 2017
Čomamahtoiden pert'kulu
Jäpert'kulu
Avtostancii i päraudtestancii vl 2012

Homaičendad[redaktiruida | redaktiruida purde]

↑ Petroskoin mectehnižen tehnikuman Kondopogan palakundan sait (py15.ru). (ven.)

Irdkosketused[redaktiruida | redaktiruida purde]

Lidnankundan oficialine sait (rk.kondopoga.ru). (ven.)
Lidnan informacine sait (kondopoga.ru). (ven.) (angl.)
Kondopog-lidnankundan lehtpoled Kondopogan rajonan oficialižel kmr10.ru-saital. (ven.)

Kondopog Vikiaitas

	Karjalan Tazovaldkundan lidnad
	Anus-lidn \| Belomorsk \| Kem' \| Kondopog \| Kostamukš \| Lahdenpohj \| Medvežjegorsk \| Petroskoi \| Pit'krand \| Pudož \| Segež \| Sojärv \| Sortaval

[1] Petroskoin mectehnižen tehnikuman Kondopogan palakundan sait (py15.ru). (ven.)

[1]