Ahvenhein
| Ahvenhein | ||||||||||||
|---|---|---|---|---|---|---|---|---|---|---|---|---|
.jpg) | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Potamogéton L., 1753 | ||||||||||||
|
Ahvenhein (latin.: Potamogeton) om äivoččiden vezikazmusiden heim. Mülüb Ahvenheinižed-sugukundha. Heimon tipine erik om ujui ahvenhein (Potamogeton natans). Kaik om 80..100 erikod heimos i läz 50 niiden londuselišt gibridad.
Leviganduz
[vajehta | vajehtada lähtetekst]Heimon latinan nimi libub grekan kelen kahtes sanaspäi: ποτάμι potami «jogi» i γείτων geiton «sused». Se nimituz ozutab heimon kazmusiden ümbrištod.
Kazmusen erikod oma levitadud kaikes mail'mas. Kazdas reskveden sauptud vai joksijoiš vitkos vezištoiš, sätas žomid paksus.
Ümbrikirjutand
[vajehta | vajehtada lähtetekst]Heimon erikod oleldas kümnes santimetraspäi kudhe metrhasai pitte. Lehtesed čereduišoiš, nitinvuiččed vai ellipsanvuiččed, kaik vedenalaižed vai erased-se lehtesed ujudas veden pindal. Kazmuz änikoičeb heinkus-elokus. Ahvenheinän änikuz om tähk hahkvihandan vai burvihandan mujun, voib olda veden päl vai vedes.
Äikerdoičese semnil vai vegetativižikš. Lindud i vezi levitadas semnid.
Valitud erikod
[vajehta | vajehtada lähtetekst]- Potamogeton acutifolius Link ex Roem. & Schult. — Teravlehtesine ahvenhein
- Potamogeton alpinus Balb. — Al'pine ahvenhein
- Potamogeton crispus L. — Kidžer ahvenhein
- Potamogeton lucens L. — Loštai ahvenhein
- Potamogeton natans L. — Ujui ahvenhein (heimon tipine erik)
- Potamogeton obtusifolius Mert. et W.D.J.Koch — Tul'clehtesine ahvenhein
- Potamogeton trichoides Cham. & Schltdl. — Hibusenvuitte ahvenhein
Kävutand
[vajehta | vajehtada lähtetekst]Vezimollüskad, kalad da gavedid södas ahvenheinäd. Kala kudob kazmusen vezipalas i lehtesiden alapalas. Erased erikod oma sömäks vedenujujiden linduiden täht, ondatr i majag södas heinäd mugažo. Ottas südäimehe ploduzid gastrolitoikš.
Ristitud kävutadas ahvenheinid muglheretuseks, mouckiven ekvivalent. Kazmusen žomad telustadas tehnikan ujundale[1], vezištod heindudas heredamb.
Homaičendad
[vajehta | vajehtada lähtetekst]- ↑ Juzepčuk S. V. Род 48. Рдест — Potamogeton L. (Heim 48. Ahvenhein) // Флора СССР = Flora URSS (NSTÜ:n flor) : 30 tomas / päredaktor V. L. Komarov. — L.: NSTÜ:n Tedoakademijan pästandkodi, 1934. — T. 1 / toman redaktor M. M. Il'jin. — Lpp. 230−265. — 302, XVI lp. — 5000 egz. (ven.)