Aid (mifologii)

Vikipedii
Mine navigeerimisribale Mine otsikasti
Aid i Cerber

Aid (amuižgrek.: Ἀΐδης vai ᾍδης Aides) om kolnuziden mehiden manalaižen car'kundan jumal amuižgrekan mifologijas, üks' olimpalaižiš jumaloišpäi. «Aid» om necen car'kundan nimituz mugažo.

Jumal om Kronosan i Reja-titanidan vanhemb poig, Zevsan, Poseidonan, Geran, Demetran i Gestijan vell'. Persefonan mužik, arvostase da kucuse hänenke. Lapsed — Zagrei, Makarija, Melinoja. Aidan nimen virkand kulheze oli kel'tud amuižes mirus surman varun tagut, i Pluton-nimi vajehti sidä hilläšti.

Kändai mest nägumatomaks šapuk om Aidan atribut, Zevs-ki kävuti sidä toran aigan. Mail'man jago tegihe koumen vellen keskes (Zevs, Poseidon, Aid) sodan titanoid vaste. Aid sai manalašt car'kundad i tobmut kolnuziden kuvahaižiden päl. Lugetihe Aidad manalaižiden varoiden i plodukahusen jumalaks, ned anttas maižanduzsatust.

Gomeran mödhe, Aid kaičeb manalašt car'kundad iče. Gomer nimiti Aidad ičeze nimel i manaluižen Zevsaks, «ei račijaks» da «adivoičetajaks», sikš miše surm ei voi ümbärta ni üht ristitud.

Kacu mugažo[redaktiruida | redaktiruida purde]

Homaičendad[redaktiruida | redaktiruida purde]



Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.