Arad (Romanii)

**Arad**
Lidnanznam;	Flag;
Valdkund	Romanii
Eläjiden lugu (2021)	145,078 ristitud
Pind	46,18 km²
Pämez'	Laurenciu Kelin Bibarc; (2020−2024, 2024−2028,; Laurenţiu Călin Bibarț)
Telefonkod	+40-(0)257
Aigvö	tal'vel UTC+2,; kezal UTC+3

Arad (mugažo romanijan i mad'jaran kelil, rom. virkand [aˈrad]) om Romanijan lidn valdkundan päivlaskmaiženno röunanno Mad'jaranmanke. Se om valdkundan 12nz' lidn eläjiden lugun mödhe, Aradan ümbrikon administrativine keskuz.

Istorii

Eländpunkt mainitase vspäi 1078. Vll 1551−1699 mülüi Ottomanan imperijha.

Arad šingotase mašinansauvomižel, tekstil'tegimištol i sömän pästandal. Om kengiden, meblin, himikatoiden i sauvondmaterialiden edheotandoid.

Geografijan andmused

Lidnan sijaduz ümbrikos i valdkundas vn 2014 kartal

Lidn sijadase ümbrikon suvipäivlaskmas, Maroš-jogen randal, 117 m ü.m.t. keskmäižel korktusel.

Matkad Buharest-pälidnhasai om 422 km päivnouzmha-suvipäivnouzmha orhal vai 550 km avtoteidme. Lähembaine sur' lidn om Timišoar nell'kümne kahesa kilometrad suvhe orhal vai 58 km avtol.

Klimat om ven kontinentaline. Keza om päivoikaz lujas, tal'vaig om pil'vekaz lujas. Voden keskmäine lämuz om +11,3 C°, kezakun-elokun +20,5..+22,4 C°, tal'vkun-uhokun −0,3..+1,2 C°. Ekstremumad oma −27,2 C° (viluku) i +40,8 C° (heinku, eloku). Kezaaigan minimum om +2,4 C° (kezaku), tal'vaigan maksimum om +25,7 C° (uhoku). Ei voi panda halad kezakus-elokus. Paneb sadegid 606 mm vodes, enamba semendkus-heinkus (61..85 mm kus), vähemba vilukus-keväz'kus (34..36 mm kus).

Eläjad

Vn 2011 Romanijan rahvahanlugemižen mödhe lidnan eläjiden lugu oli 159 704 ristitud. Kaikiš suremb lidnan ristitišt oli 190 114 eläjad vl 1992.

Kaks' universitetad oma lidnas: kundaline Aradan universitet Aurel Vlaicun nimed^[1] (alusenpanend 1991, 7,3 tuh. üläopenikoid vl 2014) i privatine Aradan Päivlaskmaine universitet Vasile Goldišan nimed (alusenpanend 1990, 4,5 tuh. üläopenikoid vl 2020). Niiden ližaks severz'-se kolledžid oma professionaližen opendusen aluzkundoikš.