Babuškinan nimed žilo
| Valdkund | Venäma |
| Eläjiden lugu (2010) | 4,017 ristitud |
| Pind | 23,7 km² |
| |
| Telefonkod | +7−81 745-xx-xxx |
| Avtokod | 35 |
| Aigvö | UTC+3 (MSK+0) |
Babuškinan nimed žilo (ven.: Село́ и́мени Ба́бушкина, sijaline paginnimi om muite Бабушкино) om Venäman žilo Vologdan agjan päivnouzmaižes palas. Se om Babuškinan ümbrikon (edel vn 2022 kezakud — rajonan) administrativine keskuz da kaikiš suremb eländpunkt.
Istorii
[vajehta | vajehtada lähtetekst]Eländpunkt mainitase ezmäižen kerdan vl 1399, nimitihe Ledengskoje-žiloks jogen mödhe vhesai 1941. Šingotihe keitandsolan samižel manaluižespäi vajehtujanke satusenke, lähižen Tot'man kartte. Vn 1941 25. päiväl keväz'kud udesnimitihe žilod nügüdläižikš sijaližen Ivan Babuškin-revolücioneran kanzannimen mödhe.
Babuškinan nimed žilo šingotase valdkundaližil holitišil, mecan ümbriradajil edheotandoil, sildoiden sauvondan edheotandal i «Ledengsk»-sanatorijal.
Geografijan andmused
[vajehta | vajehtada lähtetekst]Žilo sijadase rajonan päivlaskmas, Leden'g-jogen oiktal randal tobjimalaz (ven.: Леденьга 57 km pitte, Suhonan oiged ližajogi). Matkad agjan Vologd-pälidnhasai om 192 kilometrad päivlaskmha-suvipäivlaskmha orhal vai 241 km avtotedme. Lähembaine lidn om Tot'm 32 kilometrad lodeheze orhal vai 35 km avtotedme.
Klimat om ven. Voden keskmäine lämuz om +2,6 C°, kezakun-elokun +15..+18 C°, tal'vkun-uhokun −10..−12 C°.
«Tot'm — Nikol'sk»-avtote läbitab žilod.
Tobmuz
[vajehta | vajehtada lähtetekst]Municipaline «Babuškinskoje»-ühtnik oli olmas vspäi 2006. Küläkund mülüti 18 eländpunktad žilon ližaks, niiden kesken kaks' žilod i 16 küläd. Küläkundan pind oli 1500,15 km² (edel 2016. vot oli 919,93 km² Demjanovskoje-küläkundata). Se om kätud ümbrikon territorialižeks palakundaks vn 2022 kezakuspäi.
Ol'ga Rižova (Ольга Рыжова) radoi küläkundan pämehen vn 2016 redukuspäi.
Eläjad
[vajehta | vajehtada lähtetekst]Vn 2002 Venäman rahvahanlugemižen mödhe žilon eläjiden lugu oli 4 105 ristitud, heišpäi kirjutihe 98 % venälaižikš. Vl 2010 kaik 4 017 ristitud elihe žilos. Kaikiš suremb žilon ristitišt oli 4 487 eläjad vl 1989, no žilon pen' pala oli anttud lähižhe Jurmang-žilho ani pohjoižes vl 2000. Vl 2021 kaik 4 724 ristitud elihe küläkundas (4503 rist. vl 2011, 4423 rist. vl 2016, 4881 rist. vl 2017). Ümbrikon ristitišton koumandez eläb žilos.
Ortodoksižen hristanuskondan Sündun Ristan oiktoiden puiden augotižlibundan jumalanpert'[1] (1793) om avaitud žilos.
Nened büdžetižed aluzkundad oma žilos dai kaikes territorialižes palakundas: ümbrikon läžundkodi, koume medpunktad, kaks' školad, kaks' päivkodid, koume počtan palakundad, rajonan kul'turkeskuz, nell' kirjištod, žilon istorijan i Ivan Babuškinan muzei, lapsiden muzikškol, armotomiden lapsiden kodi.