Barbadosan valdkundznam

Barbadosan valdkundznam (angl.: Coat of Arms of Barbados) om Barbadosan üks' oficialižiš simvolišpäi. Se om vahvištadud 1966-nden voden 14. päiväl uhokud.

Ümbrikirjutand

Bardakaz fikus om kuvatud rindhankatusel, «bardakaz» ispanijan kelel linneb barbudos, mi andoi nimitust sarele da valdkundale. Kaks' sijališt čomakulu cezal'pinii-änikod (latin.: Caesalpinia pulcherrima) oma laudan üläčogiš. Barbadosan londusen sur' korifen i bur pelikan pid'oiteldas rindhankatust polišpäi. Ricarin šlöm sijadase laudan päl äjiden enččiden britanižiden territorijoiden vuitte.

Venc i barbad oma pakuižed i rusttad mujul. Ned mujud sättudas rindhankatusen i sen orhidejiden mujuile. Käzi rindhankatusen tagaspäi kandab saharrogon kaht seikast, sen kazvatand om valdkundan ižandusen aluz voz'sadoiš.

Pride and Industry-deviz kändase anglijan kelespäi kuti «ülenpäižuz i radonnavedind».