Barkisimeto

Vikipedii-späi
Barkisimeto
Barquisimeto
 Lidnanznam
 Flag
Valdkund Venesuel
Eläjiden lugu (2022) 1,250,564 ristitud
Pind 353 km²
Barkisimeto Barquisimeto
Pämez' Luis Jonas Rejes
(2017—,
Luis Jonás Reyes)
Telefonkod +58-(0)251
Aigvö UTC−4


Lidnan territorijan sijaduz štatan Iribarren- (tobj pala) i Palavecino- (suvipäivnouzmas) municipalitetoiš (2013)

Barkisimeto (isp.: Barquisimeto [baɾkisiˈmeto]) om lidn Venesuelan lodehes. Se om valdkundan nellänz' lidn eläjiden lugun mödhe, Lar-štatan administrativine keskuz da kaikiš suremb lidn, mugažo Iribarren-municipalitetan keskuz.

Istorii[vajehta | vajehtada tekst]

Eländpunktan aluz om pandud vl 1552 samha kuldad. Vn 1812 manrehkaiduz mureni lidnad lujas.

Barkisimeto šingotase transportteiden sol'meks valdkundan keskuzpalan i päivlaskman keskes. Ümbriratas sadud tarbhaižid kaivatusud lidnan tegimil. Ižandusen toižed päsarakod oma sauvond, torguind, sömtegimišt (kofen edheotandad), metalltegesiden pästand valamižen mahtusel i mehanižel ümbriradmižel, nahkoiden i tabakan ümbriradmine.

Geografijan andmused[vajehta | vajehtada tekst]

Lidn sijadase 566..940 m korktusil, 640 m ü.m.t. keskmäižel korktusel. Tobjan palan reljef om lapak. Matkad Karakas-pälidnhasai om 260 km päivnouzmha. Manrehkaidusiden magnitud voib sadas erasti vidhe..kudehe ballhasai.

Klimat om tropine pol'kuiv. Kun keskmäine lämuz om +20..+22 C° tal'vkus-uhokus i +23..+26 C° voden toižen aigan. Paneb sadegid 543 mm vodes, vähemba tal'vkus-keväz'kus (7..25 mm kus).

Eläjad[vajehta | vajehtada tekst]

Vl 2011 lidnan eläjiden lugu oli 1 059 092 ristitud. Kaikiš suremb ristitišt om nügüd'. Enamba 1,8 mln eläjid om lidnaglomeracijas.

Valdkundaline Keskuzpäivlaskmaine universitet Lisandro Al'varadon nimed[1] (isp.: Universidad Centroccidental Lisandro Alvarado, UCLA) om alusenpandud vl 1962 koumeks profškolaks, nimitihe universitetaks vspäi 1967. Kaik kahesa valdkundališt i seičeme privatišt üläopendusen aluzkundad oma ezitadud lidnas niiden päkampusoikš vai filialoikš.

Homaičendad[vajehta | vajehtada tekst]

  1. Keskuzpäivlaskmaižen universitetan Lisandro Al'varadon nimed sait (ucla.edu.ve). (isp.)

Irdkosketused[vajehta | vajehtada tekst]