Bezanson

Vikipedii
Mine navigeerimisribale Mine otsikasti
Bezanson
Besançon
 Lidnanznam
Blason ville fr Besançon (Doubs).svg
 Flag
Flag of Besançon.svg
Valdkund Francii
Eläjiden lugu (2019) 117,912 ristitud
Pind 65,05 km²
Bezanson Besançon
Pämez' Enn Vinjo
(mandat 2020−2026,
Anne Vignot)
Telefonkod +33-
Aigvö tal'vel UTC+1,
kezal UTC+2


Bezanson (franc.: Besançon [bəzɑ̃sɔ̃]) om lidn da kund (kommun) Francijan i sen Burgundii — Franš-Konte-regionan päivnouzmas. Lidn om Du-departamentan administrativine keskuz.

Istorii[redaktiruida | redaktiruida purde]

Amuižen aigan eländpunktan nimi oli Vesontio. Gai Julii Cezar' pani sidä galloiden sekvanad-heimon keskuseks vl 58 EME. Bezansonan episkopad oma tetabad 4. voz'sadaspäi. Vhesai 1654 lidn oli jodjaližeks Pühäs Rimalaižes imperijas. Istorižen Franš-Konte-regionan keskuz, administrativine-ki vll 1676−2016 sen olendan aigan. Järed lidnuz om saudud lidnas 17. voz'sadan kahtendes poles, om kaičenus hüvin.

Nügüd'aigan Bezanson šingotase časuiden tehmižel, mašinansauvomižel i omblendtegimištol. Kompanijad mikrotehnologijoiden, mikromehanikan i biomedicinižen inženerijan sferas. Francijan armijan üks' kahtes divizijaspäi baziruiše lidnas.

Geografijan andmused[redaktiruida | redaktiruida purde]

Lidnan kart (2021)

Lidn sijadase Du-jogen keskjoksmusen alahan oiktal randal päpaloin (franc.: Doubs, Sonan hura ližajogi). Istorine keskuzpala om saudud jogen känmas läz kilometrad diametral, 250 m ü.m.t. korktusel. Om korktoid kukhid lidnan ümbrištos, 500 metrhasai ü.m.t.. Matkad regionan Dižon-pälidnhasai om 100 km päivlaskmha, Šveicarijan Lozannhasai om 125 km suvipäivnouzmha.

Klimat om ven valdmeren kontinentaližen pirdoidenke. Voden keskmäine lämuz om +11 C°, kezakus-elokus +18..+20 C°, tal'vkus-uhokus +2..+4 C°. Ekstremumad oma −20 C° i +40 C°. Paneb sadegid 1187 mm vodes, kuidme läz tazomäras.

Eläjad[redaktiruida | redaktiruida purde]

Vs 1999 Bezansonan ristitišt jäb 116..117 tuhad eläjid röunoiš. Kaikiš suremb lidnan ristitišt oli 120 315 eläjad vl 1975. Kaik 280 701 eläjad om lidnaglomeracijas 2514,5 km² pindal (2019).

Franš-Konten universitetan päfater (franc.: Université de Franche-Comté, alusenpanend 1423, 29 tuhad üläopenikoid) sijadase Bezansonas vspäi 1621.

Irdkosketused[redaktiruida | redaktiruida purde]