Bohtar

Bohtar
Бохтар

Valdkund	Tadžikistan
Eläjiden lugu (2022)	126,700 ristitud
Pind	26 km²
Pämez'	Abduallim Ismoilzoda (semendku 2017—)
Telefonkod	+992−3222
Aigvö	UTC+5

Bohtar (tadž.: Бохтар, ven.: Бохта́р) om Tadžikistanan lidn valdkundan suvipäivlaskmas. Se om valdkundan koumanz' lidn eläjiden lugun mödhe, Hatlonan agjan administrativine keskuz da pala, sen suremb lidn kahten kesken (toine om Kuläb) ezilidnoita.

Istorii

Eländpunktan aluz om pandud oazisha 1.-3. voz'sadoil meiden erad Kušanan car'kundan aigan. Lidn oli muretud lujas rahvahanikoiden sodan aigan vll 1992−1997. Venäman sodabaz i poligon oma läz lidnad.

Lidn om udesnimitadud vn 2018 20. päiväl vilukud, ende sen jimi oli Kurgan-Tübe (tadž.: Қурғонтеппа). Uz' nimituz johtutab istorižen Baktrii-agjan nimed, lidn oli surembiš eländpunktoišpäi siš agjas.

Geografijan andmused

Kušonijon-rajonan sijaduz agjas i valdkundas vn 2009 kartal

Bohtar sijadase agjan päivlaskmas, Vahš-jogen oazisan keskuses (Amudarjan üks' kahtes joginiškaspäi), 428 m ü.m.t. keskmäižel korktusel.

Lidn om ümbärtud Kušonijon-rajonal läz kaikiš polišpäi, röunatab Vahšan rajonan sarakonke suves. Matkad Dušanbe-pälidnhasai om üks' sada kilometrad pohjoižhe.

Lidn jagase 21 nimitadud mahalla:ks (islaman pühäpertin tulendaks).

Eläjad

Vl 2014 lidnan eläjiden lugu oli 101,600 ristitud. Kaik 109,100 ristitud elihe lidnas i 266,300 ristitud ezilidnoidenke vn 2018 augotišes. Kaikiš suremb lidnan ristitišt om nügüd'.

Nene üläopendusen aluzkundad ratas lidnas: Valdkundaline universitet Nosir Husravan nimed (vspäi 1978), Tadžikistanan energetikan institut (2006).

Galerei

• 
  Lidnan keskuzpalan pertišt (viluku 2023)
• 
  Ph. Mikoi-arhangelan jumalanpert' sauvomižes (ortodoksine hristanuskond), nägu vn 2014 sügüz'kus
• 
  Tulend lidnan torgushe, sügüz'ku 2014
• 
  Rahvahidenkeskeine Bohtar-lendimport lidnanno, sulaku 2013
• 
  Lidnan päraudtestancijan sauvuz vl 2008 vai sen aigemba

Irdkosketused

• Lidnan oficialine sait (bokhtar.tj). (tadž.)