Mine sisu juurde

Bolobolk (nitkazmuz)

Vikipedii-späi
Bolobolk
Bolobolk
Änikoičii bolobolk Poznanin botanižes sadus
Tedoklassifikacii
Valdkund: Kazmused
Palakund: Änikkazmused (Magnoliophyta)
Klass: Kaksidülehtesižed (Magnoliopsida)
Kund: Vesnuhheinänikoižed (Ranunculales)
Sugukund: Vesnuhheinižed (Ranunculaceae)
Heim: Trollius
Erik: Bolobolk
Latinankel'ne nimi
Tróllius europaéus L., 1753


Sistematik
Vikierikoiš


Kuvad
Vikiaitas

ITIS 18805
NCBI 212754
Sil sanal voib olda toižid znamoičendoid; miše nähta niid, tulgat tänna.

Bolobolk (latin.: Trollius europaeus) om äivozne heinäsine kazmuz. Om Trollius-heimon tipine erik, mülüb Vesnuhheinižed-sugukundha.

Leviganduz[vajehta | vajehtada tekst]

Kazvab Evropas i Päivlaskmaižes Sibiriš. Valičeb mecanröunoid, nepsoid nituid, segoitadud mecan pallištoid. Pil'vesenvastaine kazmuz. Vägitomil mahusil kazvab, no pahoin, ei tirpa solavid mahusid. Navedib kazvateližid dreniruidud mahusid venonke nepsudenke.

Kazmuz om kaičendan al Evropan äjiš tahoiš.

Ümbrikirjutand[vajehta | vajehtada tekst]

Seikhen korktuz kazvab arvoimižihe kacten, 20 santimetraspäi tundras ühthe metrhasai kul'tiviruindas. Jur' levitase polihe avaros, 50..100 santimetrhasai, i vaiše 15 sm süvütte. Šingotase semnišpäi vitkos, änikoičeškandeb londuses ühesal vodel, kazvatandtarhas kahtendel-koumandel vodel. Kahten toižendan lehtesed: seikhen (änikvarden üläkoumandesel) i juridenno.

Änikod oma šurunvuiččed vidhe santimetrhasai diametral, niiden muju om pakuižen ližamujud: vauvhaspäi kuldatabahasai. Plod om kogotud lendailehtez, üks' lendailehtez om penenke käroutud südäimehe agjanke. Bolobolk äikerdoičese semnil.

Kävutand[vajehta | vajehtada tekst]

Aigaline (semendku-kezaku) medenkandai kazmuz. Udmurtijan ühteks simvolišpäi.

Homaičendad[vajehta | vajehtada tekst]