Cetine

Cetine
Cetinje / Цетиње
Lidnanznam;	Flag;
Valdkund	Mustmägi
Eläjiden lugu (2023)	12,460 ristitud
Pind	6 km²
Telefonkod	+382-(0)41
Aigvö	tal'vel UTC+1,; kezal UTC+2

Cetine (mustm.: Cetinje / Цетиње [t͡sětiɲe]) om lidn Mustmägin suves. Se om Cetine-pälidn-kundan administrativine keskuz da päpala, valdkundan vižtoštkümnenz' eländpunkt eläjiden lugun mödhe.

Istorii

Eländpunkt om tetab 1440-nziš vozišpäi. Cetinen jumalankodin aluz om pandud vl 1484. Cetine om Mustmägin istorine lidn, enzne pälidn i nügüdläine kahtenz' pälidn Podgorican jäl'ghe. Prezidentan oficialine rezidencii, ohjastusen kul'turministruz i Nacionaline kirjišt sijadasoiš Cetines.

Cetine šingotase turizmal (vanh lidn, ortodoksižed pühäpertid, nell' muzejad, festivaline keza) i pakuitesen fabrikal, tipografii radab.

Geografijan andmused

Lidn sijadase kundan keskuzpalas, mägidenkeskeižes katl'uses, 650 m ü.m.t. keskmäižel korktusel.

Matkad Adriatižen meren randhasai om kaks'toštkümne kilometrad orhal, Skadar-järvhesai — 15 km, Podgoric-pälidnhasai om koumekümne koume kilometrad päivnouzmha. Lujad manrehkaidused oleskeliba (M7,4 vl 1667).

Klimat om ven neps. Paneb sadegid 3616 mm vodes, enamba kaiked tal'vel (400..500 mm kus), vähemba kezakus-elokus (11..48 mm kus).

Tobmuz

Cetinen kund jagase koumeks palaks (mustm.: zajednica «ühthižkund»): Vanh lidn (Стари Град), Nova Varoš (Нова Варош) i Gruda — Done Pole (Груда — Доне Поле). Kaik Cetinen municipalitet mülütab lidnad i 94 tošt eländpunktad 910 nellikkilometrad pindal.

Municipaline suim (Skupština Prijestonice Cetinje) kogoneb 33 ühtnijaspäi (odbornici, 2021−2025).

Eläjad

Vn 2003 rahvahanlugemižen mödhe lidnan eläjiden lugu oli 15,325 ristitud. Vn 2011 rahvahanlugemižen mödhe lidnan eläjiden lugu oli 13,991 ristitud. Vn 2023 Mustmägin rahvahanlugemižen mödhe lidnan kaikenaigaižiden eläjiden lugu oli 12,460 ristitud, kaiken municipalitetan (910 km²) — 14,465 ristitud. Kaikiš suremb lidnan ristitišt oli 15,946 eläjad vl 1991.

Kodikel' (2011): mustmägin kel' — 83 %, serban kel' — 11 %, toine kel' — 6 %.

Galerei

Cetinen jumalankodi (ortodoksine hristanuskond), vn 2022 elokun nägu
Monte Rosa-adivpert', uhoku 2015
Cetinen hengeline seminarii (ortodoksine hristanuskond, sügüz'ku 2018)
Čomamahton i istorijan rahvahanmuzei (eloku 2009), ende valdkundan parlamentan ištundoiden sijaduz
Cetinen avtobusstancii vn 2023 redukus

Irdkosketused

Lidnan da sen kundan oficialine sait (cetinje.me). (mustm.)

Cetine Vikiaitas