Dobrič

Dobrič
Добрич
Lidnanznam;	Flag;
Valdkund	Bolgarii
Eläjiden lugu (2024)	69,434 ristitud
Pind	109,02 km²
Pämez'	Jordan Jordanov; (2015—,; Йордан Йорданов)
Telefonkod	+359−58
Aigvö	tal'vel UTC+2,; kezal UTC+3

Dobrič (bolg.: Добрич [ˈdɔbrit͡ʃ]) om lidn Bolgarijan pohjoižpäivnouzmas. Se om Dobričun agjan administrativižeks keskuseks da palaks, valdkundan ühesanz' lidn eläjiden lugun mödhe.

Istorii

Eziauguižen eländpunktan aluz oli Ezmäižen Bolgarijan car'kundan aigan (10. voz'sada), pečenegad paniba sidä mantazole 11. voz'sadal. Nügüdläine eländpunkt om olmas 16. voz'sadaspäi, ezmäi kuti Kuruskelä-külä, sid' turkan Hadžioglu-Pazardžik-lidn. Vl 1882 udesnimitihe Dobrič:uks. Vll 1916−1940 lidnan nimituz oli Bazaržik Romanijan palaks. Vll 1949−1990 nimitihe Tolbuhin:aks.

Dobrič šingotase erazvuiččel sömtegimištol, omblendal i kengiden tehmižel.

Geografijan andmused

Lidnan sijaduz agjas i valdkundas vn 2004 kartal

Lidn sijadase agjan keskuzpalan suves, 225 m ü.m.t. keskmäižel korktusel.

Matkad Sofii-pälidnhasai om 380 km päivlaskmha orhal vai 480 km avtotedme. Sadas jondvet mareiguišpäi i lähižiš vezivaradimišpäi. Lähembaine järed lidn da meriport om Varn vižkümnes kilometras suvhe avtotedme.

Klimat om subtropine kuivahk. Voden keskmäine lämuz om +13,2 C°, heinkun i elokun +24,2 C°, vilukun +1,2 C°. Paneb sadegid 537 mm vodes, läz tazomäras voz'aigoidme, 35..56 mm kus.

Eläjad

Vn 2011 Bolgarijan rahvahanlugemižen mödhe lidnan eläjiden lugu oli 91 030 ristitud, vn 2021 — 73 895 ristitud. Kaik 86 292 eläjad oli lidnas vl 2015. Kaikiš suremb lidnan ristitišt oli 116 066 eläjad vl 1991.

Rahvahad (lidnan eläjad, enamba 0,4 % vl 2011): bolgarijalaižed — 80,9 %, turkad — 7,5 %, čiganalaižed — 2,7 %, toižed rahvahad — 0,6 %, rahvahuden ozutandata — 8,3 %.

Galerei

Dobričun kundan tobmuden sauvuz (2013)
Ph. Jurgii-vägestusenkandajan jumalanpert' kellčuhundusenke (ortodoksine hristanuskond, saudihe vll 1864−1889) lidnan keskuzpalas, vn 2009 nägu
Čomamahtoine galerei (vn 2020 kül'mkun olend)
Dramteatr Jordan Jovkovan nimed (kezaku 2013)
Dobrič-päraudtestancii vn 2018 redukus