Bolgarii

Vikipedii
Hüpähtada: navigacii, Ecind
Bolgarijan Tazovaldkund
Република България
 Flag
Flag of Bulgaria.svg
 Valdkundznam
Coat of arms of Bulgaria.svg
Pälidn Sofii
Eläjiden lugu (2014) 6,924,716[1] ristitud
Pind 110,879 km²
Bolgarijan TazovaldkundРепублика България
Kel' bolgarijan
Valdkundan pämez' Rosen Plevnelijev
Päministr Boiko Borisov
Religii hristanuskond
Valüt bolgarijan lev (BGN)
Internet-domen .bg[2]
Telefonkod +359
Aigvö tal'vel UTC+2,
kezal UTC+3

Bolgarii (bolgarijaks: България), täuz' oficialine nimituz — Bolgarijan Tazovaldkund (bolg.: Република България, vepsän transkripcii: Republika Bǎlgarija), om valdkund Evropan suvipäivnouzmas, Mustmeren randal. Sen pälidn da kaikiš suremb lidn om Sofii.

Vspäi 2004 PAKO:n ühtnii om, vspäi 2007 — :n ühtnii.

Istorii[redaktiruida | redigeeri lähteteksti]

Ezmäine Bolgarijan imperii oli olmas vozil 681-1018. Kahtenz' Bolgarijan imperii oli olmas vozil 1185-1396.

Vl 1908 redukun 5. päiväl nügüdläine Bolgarii tedoti ripmatomudes Osmanan imperijaspäi.

Geografijan andmused[redaktiruida | redigeeri lähteteksti]

Bolgarijan topografine kart.

Bolgarii om mavaldkundröunoiš Turkanmanke (röunan piduz — 223 km) da Grekanmanke (472 km) suves, Makedonijanke (162 km) da Serbijanke (344 km) päivlaskmas, Romanijanke pohjoižes (605 km). Ühthine röunoiden piduz om 1806 km. Valdkundan pind — 110 879 km². Bolgarijan päivnouzmaižed randad lainištab Mustmeri, sen randanpird — 354 km.

Londuseližed pävarad oma kivihil', metallad (boksitad, vas'k, hahktin, cink); toižed varad — mec, mahuz.

Politine sistem[redaktiruida | redigeeri lähteteksti]

Bolgarijan parlamentan ištundoiden sija Sofijas.

Ohjandusen form om unitarine parlamentine tazovaldkund. Valdkundan pämez' om prezident. Kaik rahvaz valičeb händast videks vodeks.

Parlament om üks'kodine Rahvahaline Suim (bolg.: Народно събрание, lugese «Narodno sabranie») 240 ezitajanke. Kaik rahvaz änestab heid nelläks vodeks.

Jäl'geline Rahvahaline Suim tuli radho vl 2014 redukun 27. päiväl. Prezidentan järgvaličendad oliba vl 2011 (redukun 23. da 30. päivil).

Administrativiž-territorialine jagand[redaktiruida | redigeeri lähteteksti]

   Kacu kirjutuz: Bolgarijan administrativiž-territorialine jagand.

Bolgarii alajagase 27 agjaha (bolg. област), ned — 264 kundha (bolg. община), da völ üks' pälidnan territorii (Sofii) om.

Eläjad[redaktiruida | redigeeri lähteteksti]

Bolgarijas elädas bolgarijalaižed.

Toižed sured lidnad (enamba 100 tuh. ristitud vl 2011, surembaspäi penembha): Plovdiv, Varn, Burgas, Ruse, Stara Zagor, Pleven. Vl 2011 kaik oli 24 lidnad enamba mi 50 tuh. eläjidenke; ühthemänho om 257 lidnad valdkundas.

Vl 2011 eläjiden lugu oli 7,364,570 ristitud.

Ižanduz[redaktiruida | redigeeri lähteteksti]

Vl 2012 Bolgarijan päeksport oli erazvuiččed sobad (läz 13%), vas'k da sen ühthesuladused (11%), kivivoi (10%), elektromašiništ (läz 10%); toine eksport — raud da teraz (4%), nižu (2%), podsolnušnikan semned (2%), elektruz (2%).

Homaičendad[redaktiruida | redigeeri lähteteksti]

  1. Bolgarijan ristitišton endustuz vl 2014 heinkus. — Mail'man faktoiden kirj (cia.gov). (angl.)
  2. Mugažo .eu kuti :n ühtnii.

Irdkosketused[redaktiruida | redigeeri lähteteksti]


Evropan valdkundad
Evropan valdkundad
Alamad | Albanii | Andorr | Armenii1 | Azerbaidžan1 | Avstrii | Bel'gii | Bolgarii | Bosnii da Gercegovin | Čehanma | Danii | Estinma | Francii | Grekanma | Gruzii1 | Horvatii | Irlandii | Islandii | Ispanii | Italii | Kazahstan1 | Kipr1 | Latvii | Litvanma | Lihtenštein | Lüksemburg | Mad'jaranma | Makedonii | Mal't | Moldov | Monako | Mustmägi | Norvegii | Pol'šanma | Portugalii | Ročinma | Romanii | San Marino | Saksanma | Serbii | Slovakii | Slovenii | Suomenma | Sur' Britanii | Šveicarii | Turkanma1 | Ukrain | Vatikan | Vaugedvenäma | Venäma1

1 Om Azijas mugažo.