Pleven

Pleven
Плевен
Lidnanznam;	Flag;
Valdkund	Bolgarii
Eläjiden lugu (2022)	89,823 ristitud
Pind	85 km²
Pämez'	Georg Spartanski; (kül'mku 2015—,; Георг Спартански)
Telefonkod	+359−64
Aigvö	tal'vel UTC+2,; kezal UTC+3

Pleven (bolg.: Плевен [ˈplɛvɛn]) om lidn Bolgarijan pohjoižes. Se om valdkundan seičemenz' lidn eläjiden lugun mödhe, Plevenan agjan (vspäi 1999) i kundan administrativižeks keskuseks da palaks.

Istorii

Eländpunkt mainitase dokumentoiš ezmäižen kerdan vl 1270 kuti latin.: castrum Pleun. Vl 1899 raudte läbiti lidnad.

Pleven šingotase mašinansauvomižel (pressad, turbinad, avtokabeläd, ventiläciž-klimatine mašiništ), sauvondmaterialiden pästandal (sendvičpanelid), sömtegimištol, sobiden tehmižel, stökolmülüiden tegimel.

Geografijan andmused

Lidnan sijaduz agjas i valdkundas vn 2005 kartal

Lidn sijadase agjan keskuzpalan suves, Dunain tazangištol, 116 m ü.m.t. keskmäižel korktusel.

Matkad Dunaihesai om koumekümne viž kilometrad pohjoižhe (se-žo Romanijan röun), Sofii-pälidnhasai om 132 km suvipäivlaskmha orhal vai 165 km avtotedme.

Eläjad

Vn 2011 Bolgarijan rahvahanlugemižen mödhe lidnan eläjiden lugu oli 106 954 ristitud, agjan kaks' videndest, vn 2021 — 91 119 ristitud. Kaik 109 875 eläjad oli lidnas vl 2016^[1]. Kaikiš suremb lidnan ristitišt oli 132 tuhad eläjid vl 1987.

Rahvahad (lidnan eläjad, enamba 0,4 % vl 2011): bolgarijalaižed — 89,2 %, turkad — 1,4 %, čiganalaižed — 1,0 %, toižed rahvahad — 0,4 %, rahvahuden ozutandata — 8,0 %.

Medicinine universitet radab lidnas (bolg.: Медицински университет — Плевен, alusenpanend 1974, läz koumed tuhad üläopenikoid nelläl fakul'tetal i medkolledžas). Se om üks'jäine sijaline üläopendusen aluzkund.