Drammen
Lidnanznam
|
Flag
|
| Valdkund | Norvegii |
| Eläjiden lugu (2020) | 101,738 ristitud |
| Pind | 137,01 km² |
| |
| Pämez' | Monika Mürvol'd Berg (viluku 2020—, Monica Myrvold Berg) |
| Telefonkod | +47- |
| Aigvö | tal'vel UTC+1, kezal UTC+2 |
Drammen (mugažo norvegijan kelel, virkand [dɾàmːən]) om Norvegijan lidn da kund (kommun) valdkundan suves. Se om valdkundan kudenz' lidn eläjiden lugun mödhe. Mülüb Viken-agjaha, edel 2020. vot oli Buskerud-agjan pälidnaks.
Istorii[redaktiruida | redaktiruida purde]
Drammen-municipalitetan aluz om pandud vl 1838 koumes penes meriportaspäi. Se om ühtištadud Skoger-municipalitetanke vspäi 1964. Raudte tuli lidnha vl 1872.
Drammen-lidn šingotase elektrotehnižel sarakol (elektromašinad, kabeläd), optikan edheotandal, mecan ümbriradmižel, sauvondan kompanijoil, torguindal tukuil (sidä kesken avtoiden import), tervhudenkaičendal da socialižil holitišil.
Geografijan andmused[redaktiruida | redaktiruida purde]
Lidn sijadase Drammenselv-jogen randoil sen lanktendan sijas Drammen-fjordha. Om ümbärtud mägil. Matkad Oslohosai om 40 km pohjoižpäivnouzmha.
Klimat om ven valdmeren valatoitandanke. Voden keskmäine lämuz om +6,6 C°, kezakun-elokun +15..+18 C°, tal'vkun-uhokun −2..−3 C°. Ekstremumad oma −28 C° i +35 C°. Paneb sadegid 808 mm vodes, läz tazomäras kuidme, vähemba uhokus-sulakus (43..46 mm kus).
Lidnankund mülüti kaht tošt kundad vl 2020. Jagase kümneks municipaližeks regionaks.
Eläjad[redaktiruida | redaktiruida purde]
Vl 2014 arni lidnan eläjiden lugu oli 65 473 ristitud, vl 2021 — 82 875 ristitud. Lidnan territorii levigandeb nellän lähižen kundan territorijoihe.
Tore Opdal Hansen radoi edeližen lidnanpämehen (reduku 2003 — tal'vku 2019).
Irdkosketused[redaktiruida | redaktiruida purde]
 |
Drammen Vikiaitas |