Dvoržak Antonin

Dvoržak Antonin
čeh.: Antonín Dvořák
Antonin Dvoržak vl 1882
nimi sündundan jäl'ghe:	čeh.: Antonín Leopold Dvořák
radmižen toižend:	klassikalise muusika helilooja, organist, professor, dirigent, muusikateadlane, viiuldaja, vioolamängija, muzikankirjutai, opendai, pianist, muusikapedagoog, Virtuoos
sündundan dat:	8. sügüz’ku 1841
sündundan sijaduz:	Obec Nelahozeves[d], Tšehhi kuningriik[d], Austria keisririik[d]
valdkund:	Tšehhi kuningriik[d]  Tsisleitaania[d]
kolendan dat:
kolendan sijaduz:	Nové Město[d], Tšehhi kuningriik[d], Austria-Ungari[d]
tat:	František Dvořák[d]
mam:	Anna Dvořáková[d]
avtograf:
sait:	antonin-dvorak.cz
Dvoržak Antonin VikiAitas

Antonin Dvoržak (čeh.: Antonín Leopold Dvořák; sünd. 8. sügüz'ku 1841, Nelahozeves-külä läz Pragad, Avstrijan imperii — kol. 1. semendku 1904, Prag, Avstrii da Mad'jaranma) oli sur' čehalaine muzikankirjutai da dirižor, romantizman ezitai. Hän kävuti Čehijan rahvahanmuzikan motivid da elementoid ičeze sädusiš.

Antonin Dvoržak oli kirjutanu 9 simfonijad, 11 operad, simfonižid poemid, vokališt- da kamermuzikad. Populärižed oma hänen simfonii e-moll op. 95 «Udes Mail'maspäi» (1895), koncert violončelile, mugažo «Slavižed kargud».

Biografii

Tuleban aigan muzikankirjutai oli sündnu Nelagozeves-külähä ezmäižeks kahesas lapsespäi, eli siš elon tobjad palad, openui külän muzikškolas kuz'voččes igäspäi. Antoninan František-tat pidi traktirad i vändi citral professionaližikš, ka kazvatajad näguiba poigan muziklahjakahut i oigenziba händast openuda aigašti. Vll 1854−1857 priha openui muzikteorijad i vändod organal, fortepjanol i violal lähižes Zlonices, sid' oli Pragan organanvändajiden školas vhesai 1858.

1860-nzil vozil Dvoržak radnikoiči violanvändajaks Čehijan provizižes teatras. Vl 1871 läksi orkestraspäi kirjutamha muzikad da samha finansišt ripmatomut, radoi organanvändajal Pragan ph. Adal'bertan jumalanpertiš. Vl 1875 lopi kahtenden jändekvintetan sädamišt. Muzikankirjutajan lahjakahuz sai avarod tundištust nenil vozil teravas. Vl 1877 Eduard Ganslik-arvostelii tedoti Dvoržakale, miše hänen töd vedatiba Iogannes Brams-muzikankirjutajan tarkust, i vl 1878 «Slavižed kargud» läksiba pästandkodišpäi da saiba populärižust kerdalaz. Dvoržak tegi paksuid ezinendoid Sures Britanijas 1880-nzil vozil. Vll 1892−1895 muzikankirjutai radoi Nju Jorkas Nacionaližen konservatorijan direktoran, no pördui kodimale evropižen populärižusen tagut. Vspäi 1901 surmhasai mez' oli Pragan konservatorijan direktoran. Jäti äi sädusid kesken.

Kanz

Antonin i Anna Dvoržakova (1854−1931) vändiba sajad vl 1873, hö oliba naimiželos 31 vot.

Kaik ühesa last sünduihe, heišpäi kuz' kändiba täuz'kaznuzikš.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.