Fredrikstad
Lidnanznam
| Flag |
| Valdkund | Norvegii |
| Eläjiden lugu (2025) | 85,862 ristitud |
| Pind | 292,56 km² |
 | |
| Pämez' | Siri Martinsen (reduku 2021—) |
| Telefonkod | +47- |
| Aigvö | tal'vel UTC+1, kezal UTC+2 |
Fredrikstad (mugažo norvegijan kelel, virktas [ˈfrɛ̀drɪkstɑ], «Fredrikan lidn») om lidn da municipalitet (kommun) Norvegijan suves. Se om valdkundan videnz' lidn eläjiden lugun mödhe Sarpsborg-kaimdailidnanke (kudamb om agjan administrativižeks keskuseks), mülüb Estfoll-agjaha. Vll 2020−2023 lidn oli Viken-agjan palaks.
Istorii
[vajehta | vajehtada lähtetekst]Eländpunktan aluz om pandud Frederik II-kunigahal vl 1567 kuti lidnuz mererandanno, keskustal palanudes sil aigal Sarpsborg-lidnaspäi, i om nimitadud kunigahan mödhe. Lidnan municipalitet om olmas vspäi 1838, se om levitadud külärajonil vl 1964 i 1994. Edel 1877. vot kirjutihe lidnad oficialižešti Frederiksstad, vll 1877−1888 — Fredriksstad, vspäi 1889 nügüdläižikš.
Fredrikstad šingotase himižil tegimil, sömtegimištol (konditerižed tegesed, šokolad, möuk, maionez) i meriportal. Ende mecanpilind i laivansauvomine (vhesai 1988) oliba lidnas.
Geografijan andmused
[vajehta | vajehtada lähtetekst]
Lidn sijadase agjan suvipäivlaskmas, Oslo-fjordan i Glomm-jogensun randoil.
Matkad Ročinman röunhasai om nell'kümne kilometrad päivnouzmha orhal vai 20 km suvhe avtotedme. Oslo-pälidn sijadase 78..90 kilometras pohjoižhe avtol. Lidnan territorijan ühthine pind om 292,56 nellikkilometrad, sidä kesken kuivma otab 283,79 km², vezi — 8,77 nellikkilometrad.
Klimat om ven valdmeren. Voden keskmäine lämuz om +6,4 C°, kezakun-elokun +14,8..+16,7 C°, tal'vkun-uhokun −1,1..−3,1 C°. Paneb sadegid 825 mm vodes, enamba voden kahtendes poles (70..105 mm kus), vähemba uhokus i sulakus (40 mm kus).
Eläjad
[vajehta | vajehtada lähtetekst]Vl 2021 kundan eläjiden lugu oli 83,761 ristitud. Kaikiš suremb lidnan ristitišt om nügüd'. Vl 2021 kahten lidnan ristitišt oli 118,992 eläjad, kaiken lidnaglomeracijan 141,708 eläjad, se om videnz' surtte valdkundas.
Galerei
[vajehta | vajehtada lähtetekst]
Lidnan tobmuden sauvuz (sulaku 2004, om sätud vl 2001)
Fredrikstadan päjumalanpert' (lüteranine, om saudud vll 1879−1880), vn 2006 nägu
Estfollan korktan školan (baziruiše lähižes Halden-lidnas) Fredrikstadan kampus, vn 2009 kuva
Literatoran pert' (Litteraturhuset, 2015, om avaitud vspäi 2013)
Fredrikstad-päraudtestancii vl 2008
Irdkosketused
[vajehta | vajehtada lähtetekst]- Lidnankundan oficialine sait (fredrikstad.kommune.no). (norv.) (angl.)
 |
Fredrikstad Vikiaitas |