Glivice

Vikipedii
Mine navigeerimisribale Mine otsikasti
Glivice
Gliwice
 Lidnanznam
POL Gliwice COA.svg
 Flag
POL Gliwice flag.svg
Valdkund Pol'šanma
Eläjiden lugu (2016) 182,969 ristitud
Pind 133,88 km²
Glivice Gliwice
Pämez' Adam Noimann
(viluku 2020—,
Adam Neumann)
Telefonkod +48−32
Aigvö tal'vel UTC+1,
kezal UTC+2


Glivicen transportshem

Glivice (pol'š.: Gliwice [ɡlʲiˈvʲit͡sɛ]; saks.: Gleiwitz, vepsän kirjamil: Gläivic) om Pol'šanman lidn (vn 1945 keväz'kuspäi) valdkundan suves, mülüb Silezijan sodaveikundha vspäi 1999.

Istorii[redaktiruida | redaktiruida purde]

Eländpunkt om olmas lidnan oiktusidenke vspäi 1276. Mülüi Prussijha vspäi 1742, oli Germanijan territorijal vspäi 1871. Edel Tošt mail'man sodad sen aigan Gläivic sijazihe ani Pol'šanman valdkundröunanno. Vn 1945 elokuspäi saksan ristitišt oli deportiruidud lidnaspäi Saksanman Britanijan okkupacijan zonha (Saksanman lodeheze).

Lidn vastsi Lapsiden Evrovizii-konkursad vn 2019 kül'mkus.

Glivice šingotase «General Motors»-korporacijan avtotegimel («Opel»-torguindmarkan avtod), japonižen NGK-kompanijan tegimel (fil'trad, katalizatorad, NOx-andimed avtoiden täht), cisternoiden i sauvondtehnikan pästandal, kivihilen «Sosnic»-kaivudel. Pol'šanman himižiden reagentoiden tegijan päfater radab lidnas.

Geografijan andmused[redaktiruida | redaktiruida purde]

Lidn seižub Klodnic-jogen randoil (pol'š.: Kłodnica, Oderan oiged ližajogi), 200..278 m korktusil valdmeren pindan päl. Matkad sodaveikundan Katovice-keskushesai om 25 km päivnouzmha.

Eläjad[redaktiruida | redaktiruida purde]

Vn 2011 Pol'šanman rahvahanlugemižen mödhe lidnalaižiden lugu oli 195 472 ristitud. Kaikiš suremb lidnan ristitišt oli 223 403 eläjad vl 1988. Se om Üläsilezijan konurbacijan (2 mln ristituid) koumanz' surtte lidn.

Religijan mödhe (2011): katolikad — 82,7 %, toižed uskojad — 2,0 %, religijatomad — 15,3%.

Irdkosketused[redaktiruida | redaktiruida purde]