Händikahanbut'k

Händikahanbut'k
Änikoičijan kazmusen nägu
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Magnoliopsida) Kund: Vihmankatuzänikoižed (Apiales) Sugukund: Sel'derejižed (Apiaceae) Heim: Händikahanbut'k (heim) (Aethusa) Erik: Händikahanbut'k
Latinankel'ne nimi
Aethúsa cynapium L., 1753
Sistematik Vikierikoiš Kuvad Vikiaitas ITIS 29569 NCBI 40954

Händikahanbut'k (latin.: Aethusa cynapium) om üks'vozne vai (harvoin) kaks'vozne heinäsine kazmuz. Erik om heimon üks'jäine, mülüb Sel'derejižed-sugukundha.

Leviganduz

Putub vastha Anatolijan pol'sarel i Kavkazal, Evropas (Venäman evropižiš agjoiš harvoin), Afrikan lodehes. Invazivine erik Pohjoižamerikas.

Navedib rohlid, väghižid, karbonatižid mahusid. Kazvab rujoheinäks ristitun pertištonno, saduiš i linmaiš.

Ümbrikirjutand

Kazmuz oleleb ühthe metrhasai kortte. Seikh om but'k, sarakoičese. Petruškan pojav, no händikahanbut'ken lehtesen üläh om loštai. Lehtesed oma koumesaumnikan konturan, oma jagadud süväs kahtišti i koumašti, höunhenvuiččed, lehtesen palaižed oma romban i koumesaumnikan formal.

Änikoičeb vauktoil änikoil kezakuspäi redukuhusai, änikused oma äiluguižed. Plod om läz šurunvuitte 2,5..3 mm surtte, lapakoidenke semnidenke.

Kävutand

Händikahanbut'k om morii, hajub vastmel'žikš, ei ole olmas kävutandad. Erased toksinad čihotas kuivandan aigan, ka kuivatud hein ei ole varuline muga kabjživatišton täht.

Kacu mugažo

• Koiranbut'k