Hikone

Hikone
彦根市
Lidnanznam;	Flag;
Valdkund	Japonii
Eläjiden lugu (2022-05-01)	112,466 ristitud
Pind	196,87 km²
Pämez'	Issei Tadzima; (semendku 2025—,; 田島一成 Tadzima Issei)
Telefonkod	+81-(0)749
Aigvö	UTC+9

Hikone (japon.: 彦根市 Hikone-ši) om lidn Japonijan keskuzpalan päivlaskmas, Sig-prefekturas. Se om prefekturan nellänz' lidn eläjiden lugun mödhe.

Istorii

Hikonen zamk om saudud vll 1603−1622. Eländpunkt sai oficiališt statusad vl 1938.

Hikone šingotase nenil päižil sarakoil: vedenveimtehnikan pästand, bucudanoiden (kodialtariden) tehmine, šinoiden tegim («Bridgestone»), tekstilin edheotandad. «Fujitec»-kompanijan päfater (eskalatorad, travelatorad) om saudud täs.

Geografijan andmused

Lidn sijadase Honšü-sarel, prefekturan keskuzpalan päivnouzmas, Biv-järven päivnouzmaižel randal (86 m ü.m.t.). Om ümbärtud mägil 683 metrhasai ü.m.t..

Hikone röunatab Maibar-lidnanke (Maibara) pohjoižpäivnouzmas i Higasiomi-lidnanke suvipäivlaskmas. Matkad prefekturan Ocu-keskushesai (Kioton päivnouzmaine ezilidn) om 34 km suvipäivlaskmha orhal, 50 km avtol vai raudtel.

Klimat om subtropine neps, pil'vekaz vodes läbi. Voden keskmäine lämuz om +15,0 C°, heinkun-elokun +26,1..+27,5 C°, vilukun-uhokun +3,9..+4,2 C°. Absolütine minimum oleli −11,3 C° (viluku), maksimum +37,7 C° (heinku, eloku). Kezaaigan minimum om +6,9 C° (kezaku), tal'vaigan maksimum om +21,4 C° (tal'vku). Ei voi panda halad semendkus-redukus (semendkun minimum om +0,9 C°). Paneb sadegid 1610 mm vodes, enamba kezakus-heinkus (176..219 mm kus) i sügüz'kus (168 mm), vähemba kül'mkus (86 mm). Paneb 81 sm lunt tal'ven 13 päiväs keskmäras, lumikatken sanktuz vajehtase lujas voz' vodespäi i oleleb kaks'kümnehe santimetrhasai. Kun keskmäine relätivine nepsuz vajehtase 70..77 % röunoiš voden aigan.