Hired
| Hired | ||||||||||
|---|---|---|---|---|---|---|---|---|---|---|
 Mechir' (Apodemus sylvaticus) | ||||||||||
| Tedoklassifikacii | ||||||||||
|
||||||||||
| Latinankel'ne nimi | ||||||||||
| Muridae (Illiger, 1811) | ||||||||||
|
Hired (latin.: Muridae) oma imetaiživatoiden sugukund Nühtajad-heimkundaspäi.
Nimitadas hirenpoigaižid mugažo hiroi-haroi fol'kloras.
Ümbrikirjutand[vajehtada | vajehtada lähte]
Täuz'kaznu hibj oleleb vidhe santimetraspäi (penikaine hir' Micromys minutus) 48 santimetrhasai (suvine nüguhir' Phloeomys cumingi). Hired kändasoiš täuz'kaznuzikš pol'tošt..koume kud igäs, ristitun sauvusiš voidas äikerdoitas vodes läbi.
Elonmahtusen mödhe hir' om kuivmaživat. Söteltas semnil, erased erikod živatoil-ki. Londuseližed erikod kanttas varuližid tärtläžundoid, travidas villäd da ižandusen toižid varoid. Hirensöi om kaži. Kävutadas hirid biokodviden täht i imetaiživatoiden genoman tedoidusiš.
Hiren erikod[vajehtada | vajehtada lähte]
Kaik om nell' alasugukundad, 147 heimod, 701 erikod mail'mas, sidä kesken 13 erikod elädas Venämas. Nüguhired-heim mülüb Hired-alasugukundha (Murinae).
Erased hiren erikod:
- Kodihir' (Mus musculus)
- Mechir' (Apodemus sylvaticus)
- Nügahir' vai Mahir' (Soricidae)
- Pöudhir' (Microtus arvalis)
- Vezihir' (Arvicola amphibius)
Hir'he sidodud vepsän muštatišed[vajehtada | vajehtada lähte]
- Hir' purnhu näl'gha ei kole.
- Kažin nagr, a hiren voik.
- Kažita hired i pän södas.
- Nukkujale kažile hir' suhu ei tule.
- Pen' hir' suren kegon söb.
- Suril hiril enamb sitad.
Kacu mugažo[vajehtada | vajehtada lähte]
Homaičendad[vajehtada | vajehtada lähte]
 |
Hired Vikiaitas |