Kaži

Vikipedii
Hüpähtada: navigacii, Ecind
«Rusked meinkun»-sugun ižakaži.

Kaži vai Kodikaži (latinan kelel: Félis silvéstris cátus) om kodiživat, popularižemb (koirha rindataden) «živat-kompan'jon». Kodikaži om Kažinvuiččiden (vai Kažiden) sugukundan (Felidae) lihansöi (Carnivora) imetaiživat. Nügüd'aigaižen biologižen sistematikan mel'pidegen mödhe kodikaži (Felis silvestris catus) om meckažin (Felis silvestris) alaerik.

Kaži mecadab üksnäze. Se mecadab nühtajid da toižid penid živatoid. Kaži om mugažo socialine živat; hän kävutab kommunikacijan täht kulundan signalad, feromonad da hibjan likundoiden levedan diapazonan. Nügüd' Mas om 600 mln kodikažid da 200 kodikažin sugud.

Irdpoline nägu[redaktiruida | redaktiruida purde]

Keskmäine kažin hibjan piduz händata om 60 sm, händan piduz om 25—35 sm. Kaikiš järedamban kodikažin piduz Ginnessan rekordoiden kirjas om 121,9 sm. Keskmäine tervhen kažin hibjan veduz om 2,5 — 6,5 kg, no voib vastata surembid-ki kažid (6 — 9 kg). Meinkunan da sibirin suguiden kažiden veduz om 11,5 — 13 kg. Hö voidas sabustada 20 kilogrammad — nece om razvdusen jäl'guz.

Irdkosketused[redaktiruida | redaktiruida purde]


Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.