Ibadan

Vikipedii
Jump to navigation Jump to search
Ibadan
Valdkund Nigerii
Eläjiden lugu (2011) 3 200 000 ristitud
Pind 3 080 km²
Ibadan
Telefonkod +234-
Aigvö UTC+1


Ibadan (mugažo anglijan kelel, virktas [ɪˈbædən], jorub.: Ìbàdàn) om lidn Nigerijan suvipäivlaskmas. Se om valdkundan koumanz' lidn eläjiden lugun mödhe, Ojo-štatan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1829 kuti sodalager'. Jäi lidnaks-sodavaldkundaks 20. voz'sadahasai. Vspäi 1893 kändihe britanižen protektoratan palaks i torguindan keskuseks.

Ibadan šingotase sidotud maižandushe sarakoil (söndtorhuden torguind, tedoidused), tekstilin, nahkan i söndtavaroiden tehmižel, kosmetikan da tabaktegesiden pästandal.

Geografijan andmused[redaktiruida | redaktiruida purde]

Lidn sijadase 150..275 m korktusil, 230 m ü.m.t. keskmäižel korktusel. Matkad Lagos-porthasai om 120 km suvipäivlaskmha, Abudž-pälidnhasai — 530 km pohjoižpäivnouzmha. Nell' päjoged jokstas lidnan territorijadme: Kudeti, Ogbere, Ogunp (angl. Ogunpa) i On (angl. Ona).

Klimat om tropine neps lühüdanke kuivsezonanke tal'vkus-uhokus (45 mm sezonas).

Ibadan jagase 11 administrativižeks rajonaks: viž lidnas i kuz' ezilidnas.

Eläjad[redaktiruida | redaktiruida purde]

Vl 2006 kaikiden rajoniden eläjiden lugu oli 2 559 853 ristitud. Islam i hristanuskond oma päreligijoikš eläjiden keskes.

Vspäi 1962 Ibadanan universitet radab lidnas.


Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.