Isafjordür

Vikipedii
Mine navigeerimisribale Mine otsikasti
Isafjordür
Ísafjörður
Valdkund Islandii
Eläjiden lugu (2020) 2,736 ristitud
Pind 23,42 km²
Isafjordür Ísafjörður
Telefonkod +354−450
Aigvö UTC+0


Lidnan keskuz

Isafjordür (isl.: Ísafjörður [ˈiːsaˌfjœrðʏr̥], kändase «jäfjord») om lidn Islandijan lodehes. Se om Vestfirdir-agjan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 920. Se sai torgusen oiktusid vl 1787. Om lidnan statusanke vspäi 1866.

Isafjordür šingotase kalanpüdandal (toihe röunadusid 1980-nzil vozil), meriportal i kalan kül'menzoitandal, turizmal (matk kel'dtahoižennoks, gol'fvänd, muzikfestivalid), ümbrišton openduzkeskuseks.

Geografijan andmused[redaktiruida | redaktiruida purde]

Lidn sijadase Vestfirdir-pol'saren lodehes, kesked Isa-fjordan Skütül'-fjordad-hijamad. Ližatas lidnan pindad koveritomal letepudotesel fjordha.

Klimat om tundran, subarktižen röunal, üks' kaikiš vilumbišpäi valdkundan tanondoiš meren tazopindanno. Voden keskmäine lämuz om +3,1 C°, kezakun-elokun +8..+10 C°, kül'mkus-keväz'kus 0..−2 C°. Ekstremumad oma −23 C° i +24 C°. Paneb sadegid 932 mm vodes, vähemba semendkus-elokus (29..48 mm kus). Relätivine nepsuz om 76..81 % vodes läbi.

Eläjad[redaktiruida | redaktiruida purde]

Läz 3,7 tuhad ristituid elädas Isafjardarbair-municipalitetas (2008).

Vspäi 2005 Aküreirin universitetan openduzkeskuz radab lidnas, lähižiden-ki kundoiden eläjiden täht. Opetas nellän programan mödhe magistran arvon sandan täht: ohjanduz merenrajonil i mererandaližil territorijoil, islandijan kel', randaližed kundad i regionaline šingotez, meriinnovacijad.

Irdkosketused[redaktiruida | redaktiruida purde]