Jangon

Jangon
ရန်ကုန်
(Jangoun)

Flag
Valdkund	Mjanmar
Eläjiden lugu (2013)	5,209,541 ristitud
Pind	576 km²
Telefonkod	+95-(0)1
Aigvö	UTC+6:30

Jangon (mjanm.: ရန်ကုန်, vepsän kirjamil: Jangoun, edel 1989. vot Rangun) om Mjanmaran kaikiš suremb lidn.

Istorii

Ende kalanikoiden Dagon-külä oli lidnan sijas. Vspäi 1775 sanu sidä vägestusel kunigaz udesnimiti nügüdläižikš, Jangon-nimituz znamoičeb «vihankandandan lopind». Britanižed kolonizatorad kävutihe sen vajehtadud variantad.

Vhesai 2005 kül'mkun 6. päivhäsai Jangon oli valdkundan pälidnaks, sid' sirtihe sidä Naip'jidoho. Jangon jäi valdkundan ižandusen, kul'turan da opendusen znamasižembaks keskuseks tähäsai.

Ižandusen päsarakod oma omblendfabrikad, sauvond, torguind, transportine sarak (järed meriport). Lidnan šingotez vitkostase vällän finansižen sferan, elektrusen vajaguden i rahvahidenkeskeižiden sankcijoiden tagut.

Geografijan andmused

Lidn sijadase valdkundan suves, Jangon-jogen randal, 15 m ü.m.t. keskmäižel korktusel. Matkad lidnan keskusespäi Indižen valdmeren randhasai om 30 km.

Klimat om subekvatorialine. Vihmsezon oleskeleb semendkus-redukus, toine aig om kuiv sezon.

Eläjad

Vl 2013 eläjiden lugu oli 5 209 541 ristitud.

Läz 20 universitetad i kolledžad oma avaitud lidnas, niiden kesken Ezmäine i Toine medicinižed universitetad, Jangonan tehnologine universitet, Kompjutertedoidusiden universitet, Mjanmaran meriuniversitet.

Transport

Avtobusad gazpoltusel, taksid, ehtatimed i tramvai (6 km vspäi 2016) oma kundaližeks transportaks lidnas.

Rengazraudte om saudud 46 km pitte, se radab passažiroiden täht (39 stancijad).

Irdkosketused

• Lidnan oficialine sait (ycdc.gov.mm). (mjanm.) (angl.)