Mjanmar

Vikipedii
Hüpähtada: navigacii, Ecind
Mjanmaran Ühtištusen Tazovaldkund
ပြည်ထောင်စု သမ္မတ မြန်မာနိုင်ငံတော်
(Pjidaunzu Thanmăda Mjăma Nainngandav)
 Flag
Flag of Myanmar.svg
 Valdkundznam
State seal of Myanmar.svg
Pälidn Naip'jido
Eläjiden lugu (2014) 55 746 253[1] ristitud
Pind 676 578 km²
Mjanmaran Ühtištusen Tazovaldkundပြည်ထောင်စု သမ္မတ မြန်မာနိုင်ငံတော်(Pjidaunzu Thanmăda Mjăma Nainngandav)
Kel' mjanmaran
Valdkundan pämez' Tein Sein
Päministr eile olmas
Religii buddizm
Valüt Mjanmaran kjat (K) (MMK)
Internet-domen .mm
Telefonkod +95
Aigvö UTC+6:30

Mjanmar, täuz' oficialine nimi — Mjanmaran Ühtištusen Tazovaldkund (mjanm.: ပြည်ထောင်စု သမ္မတ မြန်မာနိုင်ငံတော် Pjidaunzu Thanmăda Mjăma Nainngandav), om valdkund Suvipäivnouzmaižes Azijas, Indokitain pol'saren päivlaskmpoles, Indižen valdmeren Andamanan meren da Bengalijan lahten randoil. Pälidn om Naip'jido.

Istorii[redaktiruida | redaktiruida purde]

Vl 1948 vilukun 4. päiväl Mjanmar tedoti ičeze ripmatomudes Sures Britanijaspäi.

Vl 1962 keväz'kun 2. päiväl sodakukerduz tegihe valdkundas.

Jäl'gmäine valdkundan Konstitucii tuli väghe vl 2011 keväz'kun 30. päiväl.

Geografijan andmused[redaktiruida | redaktiruida purde]

Mjanmaran topografine kart.

Mjanmar om mavaldkundröunoiš Bangladešanke (röunan piduz — 271 km) da Indijanke (1468 km) päivlaskmas, Kitainke (2129 km) da Laosanke (238 km) päivnouzmas, Tailandanke suvipäivnouzmas (2416 km). Ühthine röunoiden piduz — 6522 km. Valdmererandan piduz om 1930 km.

Kaikiš korktemb čokkoim om Gamlang Razi-mägi, 5870 m valdmeren pindan päl. Kaikiš pidembad joged oma Činduin, Iravadi, Mekong, Saluin, Sitaun, ned jokstas Andamanan merhe.

Klimat om tropine da subekvatorialine. Vodes om koume sezonad: neps' (semendku-reduku), viluhk (reduku-uhoku), räk (uhoku-semendku).

Londuseližed pävarad oma kivivoi, londuseline gaz, kivihil', metallad (vas'k, tin, hahktin, cink, vol'fram, kuld), antimonii, pol'kalližarvoižed kived; toižed varad — mramor, mec, kala, gidroenergii.

Politine sistem[redaktiruida | redaktiruida purde]

Mjanmaran parlamentan südäin Naip'jidos.

Ohjandusen form om unitarine prezidentine tazovaldkund äjiden partijoiden sistemanke. Nacionaline armii ühtneb politižhe eloho.

Valdkundan pämez' om prezident, hänel abuiš om kaks' varaprezidentad. Parlamentan ühtnijad valitas prezidentad 5 vodeks (kahtenden strokun om voimuz). Prezident om ohjastusen-ki pämez'.

Parlament om kaks'kodine Ühtištusen Suim (Pjidaungsu Hluttav). Üläkodi om Rahvahiden Kodi (Amötha Hluttav) 224 ühtnijanke (168 — kaik rahvaz valičeb 5 vodeks, 65 — Mjanmaran Armijan sodavägiden ezitajad). Alakodi om Ezitajiden Kodi (Pjithu Hluttav) 440 ezitajanke (330 — kaik rahvaz valičeb 5 vodeks, 110 — Mjanmaran Armijan sodavägiden ezitajad).

Vl 2010 kül'mkun 7. päiväl Mjanmaran järgenduseližed pävaličendad oliba (sidä kesken valičendad parlamentha). Vl 2011 keväz'kun 30. päiväl nügüdläine Tein Sein-prezident tuli tehmaha radvelgusidme.

Administrativiž-territorialine jagand[redaktiruida | redaktiruida purde]

   Kacu kirjutuz: Mjanmaran administrativiž-territorialine jagand.

Mjanmar alajagase 19 regionha: 7 administrativišt agjad (tajing) da 7 štatad (nacionališt agjad, pui ne), völ om 5 zonad ičeohjastusenke.

Eläjad[redaktiruida | redaktiruida purde]

Mjanmaras elädas mjanmaralaižed.

Kaikiš surembad lidnad (enamba 200 tuh. ristituid vl 2006, surembaspäi penembha): Jangon (ižandusen pälidn), Mandalai, Moulmein, Pegu, Bassein.

Ižanduz[redaktiruida | redaktiruida purde]

Vl 2010 Mjanmaran päeksport oli kivivoin gazad (43%), bobanvuiččed jüvil (17%), mec parzil (10%), erazvuiččed sobad (9%); toine eksport — kala da merenproduktad (5%), ris (2%), pol'kalližarvoižed kived (2%), ireg lete metalloita (1%), londuseline kaučuk (1%), marganc (1%). Vl 2011 Tailand da Kitai oliba pätorguindühtnijoikš: Tailand oli pol'eksportan ostai, Kitai oli importan koumandesen möi.

Homaičendad[redaktiruida | redaktiruida purde]

  1. Mjanmaran ristitišton endustuz vl 2014 heinkus. — Mail'man faktoiden kirj (Cia.gov). (angl.)

Irdkosketused[redaktiruida | redaktiruida purde]


Azijan valdkundad
Azijan valdkundad
Afganistan | Araban Ühtenzoittud Emiratad (AÜE) | Armenii | Azerbaidžan1 | Bahrein | Bangladeš | Brunei | Butan | Egipt2 | Filippinad | Gruzii1 | Indii | Indonezii3 | Iordanii | Irak | Iran | Izrail' | Japonii | Jemen2 | Kambodž | Kazahstan1 | Katar | Kipr1 | Kirgizstan | Kitai | Korejan Rahvahaliž-Demokratine Tazovaldkund | Korejan Tazovaldkund | Kuveit | Laos | Livan | Malaizii | Mal'divan Sared | Mjanmar | Mongolii | Nepal | Oman | Pakistan | Päivnouzmaine Timor | Saudan Arabii | Singapur | Sirii | Šrilank | Tadžikistan | Tailand | Turkanma1 | Turkmenistan | Uzbekistan | Venäma1 | Vjetnam

1 Om Evropas mugažo. 2 Om Afrikas mugažo. 3 Om Valdmerimaiš mugažo.