Bangladeš

Vikipedii
Jump to navigation Jump to search
Bangladešan Rahvahaline Tazovaldkund
গণপ্রজাতন্ত্রী বাংলাদেশ
(Gônôprôdžātôntrī Bānglādeš)
 Flag
Flag of Bangladesh.svg
 Valdkundznam
National emblem of Bangladesh.svg
Pälidn Dakk
Eläjiden lugu (2014) 166 280 712[1] ristitud
Pind 143 998[2] km²
Bangladešan Rahvahaline Tazovaldkundগণপ্রজাতন্ত্রী বাংলাদেশ(Gônôprôdžātôntrī Bānglādeš)
Kel' bengalan (bangla)
Valdkundan pämez' Abdul Hamid
Päministr Šeih Hasina
Religii islam
Valüt bangladešan tak (BTD)
Internet-domen .bd
Telefonkod +880
Aigvö UTC+6
Džamunan sild — üks' kaikiš surembiš sildoišpäi mail'mas.

Bangladeš (beng.: বাংলাদেশ Bānglādeš), täuz' oficialine nimituz — Bangladešan Rahvahaline Tazovaldkund (beng.: গণপ্রজাতন্ত্রী বাংলাদেশ Gônôprôdžātôntrī Bānglādeš), om pen' valdkund Azijas ičeze pindan mödhe. Sen pälidn da kaikiš suremb lidn om Dakk.

Istorii[redaktiruida | redaktiruida purde]

Vl 1971 keväz'kun 26. päiväl Bangladeš tedoti ičeze ripmatomudes Pakistanaspäi, sil-žo vodel tal'vkun 16. päiväl Pakistan tundišti necen ripmatomuden.

Nügüdläine Konstitucii tuli väghe vl 1972 kül'mkun 4. päiväl.

Geografijan andmused[redaktiruida | redaktiruida purde]

Bangladešan fizine kart.

Bangladeš sijadase Brahmaputra- da Gang-jogiden suhištos.

Valdkund om maröunoiš Indijanke päivlaskmas, pohjoižes da päivnouzmas (röunan piduz — 4142 km), mugažo Mjanmaranke suvipäivnouzmas (271 km). Ühthine röunoiden piduz om 4413 km. Randanpird — 580 km. Valdkundan suvižed randad lainištab Indižen valdmeren Bengalijan laht.

Ühthine pind om 144 tuhad km², saum vezid — läz 10%.

Politine sistem[redaktiruida | redaktiruida purde]

Džatijo Sangšad Bhaban om Tazovaldkundan parlamentan ištunoiden sija Dakkas.

Ohjandusen form om unitarine konstitucine parlamentine tazovaldkund. Valdkundan pämez' om prezident.

Parlament om üks'kodine 345 ühtnijanke, kaik rahvaz valičeb heid 5 vodeks.

Bangladešan järgvaličendad parlamentha oliba vl 2014 vilukun 5. päiväl. Prezident om Abdul Hamid (2013. vspäi), a päministr om Šeih Hasina.

Administrativiž-territorialine jagand[redaktiruida | redaktiruida purde]

   Kacu kirjutuz: Bangladešan administrativiž-territorialine jagand.

Valdkund jagase nimitadud kaikiš suremban lidnan mödhe 7 administrativižhe agjaha (bibhag:ha). Ned alajagasoiš 64 ümbrikho (zil:ha, (d)zel:ha).

Eläjad[redaktiruida | redaktiruida purde]

Bangladešas elädas bangladešalaižed (enamba 98% heišpäi oma bengalijalaižed).

Vl 2011 eläjiden lugu oli 142 319 000 ristitud.

Lidnad-millionerad ezilidnoidenke (vl 2008): Čittagong, Khuln, Narajangandž.

Rahvahanižanduz[redaktiruida | redaktiruida purde]

Vl 2009 Bangladešan päeksport oli erazvuiččed sobad (läz 70%), puvill (21%); toine eksport — meriproduktad (2%), nahkad, džut, lang. Vodele 2012 sobad vajehtiba puvillad eksportas täuzin.

Homaičendad[redaktiruida | redaktiruida purde]

  1. Bangladešan ristitišton endustuz vl 2014 heinkus. — Mail'man faktoiden kirj (Cia.gov). (angl.)
  2. Bangladešan pind. — Mail'man faktoiden kirj (Cia.gov). (angl.)

Irdkosketused[redaktiruida | redaktiruida purde]


Azijan valdkundad
Azijan valdkundad
Afganistan | Araban Ühtenzoittud Emiratad (AÜE) | Armenii | Azerbaidžan1 | Bahrein | Bangladeš | Brunei | Butan | Egipt2 | Filippinad | Gruzii1 | Indii | Indonezii3 | Irak | Iran | Izrail' | Japonii | Jemen2 | Jordanii | Kambodž | Kazahstan1 | Katar | Kipr1 | Kirgizstan | Kitai | Korejan Rahvahaliž-Demokratine Tazovaldkund | Korejan Tazovaldkund | Kuveit | Laos | Livan | Malaizii | Mal'divan Sared | Mjanmar | Mongolii | Nepal | Oman | Pakistan | Päivnouzmaine Timor | Saudan Arabii | Singapur | Sirii | Šrilank | Tadžikistan | Tailand | Turkanma1 | Turkmenistan | Uzbekistan | Venäma1 | Vjetnam

1 Om Evropas mugažo. 2 Om Afrikas mugažo. 3 Om Valdmerimaiš mugažo.