Künänikod
| Künänikod | ||||||||||||||
|---|---|---|---|---|---|---|---|---|---|---|---|---|---|---|
 Künänikoiden ühthine nägu | ||||||||||||||
| Tedoklassifikacii | ||||||||||||||
|
||||||||||||||
| Latinankel'ne nimi | ||||||||||||||
| Bistorta officinalis Delarbre, 1800 | ||||||||||||||
|
Künänikod (latin.: Bistorta officinalis, eziauguine sinonim om Polygonum bistorta) om äivozne heinäsine kazmuz. Heimon tipine erik, mülüb Grečanvuiččed-sugukundha.
Leviganduz
[vajehta | vajehtada lähtetekst]Kazmuz om levitadud Pohjoižen mapoliškon tundras, venon vönen meczonas i stepiš, sidä kesken kaikedme Venämadme. Sädab žomid sokhil turbaznituil i nepsoil luhtoil, vezištoiden randoidme. Voib löuta mecpallištoil, penzhištos.
Navedib nepsoid väghižid mahusid väll'muiktanke reakcijanke, tirpib lähižid gruntvezid. Ei tirpi pimitandad.
Ümbrikirjutand
[vajehta | vajehtada lähtetekst]Seikh om oiged, vähä sarakoid, 30..150 sm kortte. Jur' om sanged lühüd, koveroičese kün kartte, muzarusttan mujun, jurusen pala nägub man pindal. Künänikoiden lehtesed čereduišoiš, ned oma pit'kahkod, 30 santimetrhasai pitte i 1..7,5 sm levette, išttas varzil, alah om hahksinine.
Änikuz kazvab ülähän, se om tähkanvuitte, 1,5..7 sm pitte. Änikod oma henod — läz 3,5 mm pitte, vauhruskedvauvhad, harvašti vauktad vai rusttad, pölükäd oma ruskedsinižed. Änikoičeb semendkus-kezakus, plodud küpsnedas kezakus-heinkus. Plod om koumetahkoine siled loštai koričma pähkmut 3..4,5 mm pitte.
Homaičendad
[vajehta | vajehtada lähtetekst]
 |
Künänikod Vikiaitas |
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |