Kandi

Kandi
මහ නුවර (singal.)
கண்டி (tamil.)
Valdkund	Šrilank
Eläjiden lugu (2012)	158,561 ristitud
Pind	28,53 km²
Pämez'	Čandrasiri Uijenajake; (kezaku 2025—,; Chandrasiri Wijenayake)
Telefonkod	+94-(0)81
Aigvö	UTC+5:30

Kandi (singal.: මහ නුවර [mahaˈnuʋərə] Mahanuwara, tamil.: கண்டி [ˈkaɳɖi] Kaṇṭi) om lidn Šrilankan keskuzpalas. Lidn om Keskuzližen agjan i sen Kandin ümbrikon administrativižeks keskuseks da palaks.

Istorii

Eländpunktan aluz om pandud 14. voz'sadal istoriženke angl.: Senkadagala(pura)-nimitusenke. Vll 1592−1815 lidn oli Kandi-valdkundan pälidnaks, sid' alištui Britanijan tobmudele. Vspäi 1988 vanh lidn mülüb UNESCO:n Mail'man jäl'gushe.

Kandi om ümbärtud čajun kazvatandan maižanduzrajonal i mecoil. Se šingotase tekstil'tegimištol, furnituran tehmižel, maižandusen tedoiduzkeskusil, kalližarvoižiden kividen juveliredheotandoil.

Geografijan andmused

Lidn sijadase agjan i ümbrikon keskuzpalan päivlaskmas, kukhikahas tahondas, 500 m ü.m.t. keskmäižel korktusel. Ratud vll 1807–1812 Kandin järv (0,2 km²) om sätud lidnan keskuses. Mahaveli-jogi (valdkundan kaikiš pidemb) ümbärdab lidnad pohjoižespäi.

Matkad ekonomižhe Kolombo-pälidnhasai om ühesakümne viž kilometrad päivlaskmha-suvipäivlaskmha orhal vai 115 km avtotedme.

Klimat om tropine vihmmecoiden. Kun keskmäine lämuz om +23..+26 C° voden aigan. Paneb sadegid 1840 mm vodes, vähemba vilukus-keväz'kus (71..79 mm kus).

Tobmuz

Kandi jagase kaks'kümneks nelläks valičendümbrikoks (angl.: ward).

Lidnan municipalitetan suim (angl.: Kandy Municipal Council) kogoneb 46 ühtnijaspäi i valičese kerdan vides vodes. Sen tobmuden pämez' om mer (angl.: Mayor of Kandy).

Eläjad

Vl 2007 lidnan eläjiden lugu oli 110,049 ristitud. Vn 2012 rahvahanlugemižen mödhe lidnan ristitišt oli 158,561 eläjad. Kaikiš suremb lidnan ristitišt om nügüd'.

Rahvahad (2012): singalad — 74,55 %, larakallad — 10,9 %, tamilad — 13,12 %, toižed rahvahad — 1,43 %.

Galerei

Lidnan tobmuden sauvuz (viluku 2020)
Buddan hambhiden pühäpert' (Sri Dalada Maligawa, buddizm) ratud vl 1807 Bogambar (Kandi)-järven randal, nägu vn 2013 semendkus
Queens Hotel vl 2020
Kandi-päraudtestancijan sauvuz vl 2020

Irdkosketused

Lidnan informacine sait (kandycity.org). (angl.)

Kandi Vikiaitas